Lajmet   Haziri: 2018-ta, vit i realizimit të objektivave të mëdha për arsimin

Haziri: 2018-ta, vit i realizimit të objektivave të mëdha për arsimin - 12 janar 2018

“Në veçanti po bëjmë përjekje të mëdha me synimin që shkollat t’i bëjmë sa më atraktive për nxënësit”, ka thënë Lutfi Haziri, kryetar i Komunës së Gjilanit, gjatë një takimi që ka zhvilluar sot me drejtorët e shkollave fillore dhe të mesme, në prag të fillimit të gjysmëvjetorit të dytë, duke rikonfirmuar se arsimi mbetet prioriteti i parë i qeverisjes së tij në mandatin e ri.
Kryetari Haziri, pasi uroi për një vit të mbarë, ka vlerësuar se ky është vit i realizimit të objektivave të mëdha për sektorin e arsimit, derisa ka përmendur investimet e mëdha.
 
“Tashmë jemi në përfundim të objektit të shkollës së mesme të artit, ndërsa kemi filluar me ndërtimin e shkollës fillore në Haxhaj. Përveç këstyre, kemi investuar në dy laboratorë në Gjimnazin natyror “Xhavit Ahmeti”, atë të kimisë dhe biologjisë dhe tash e tutje nxënësit do të marrin njohuri nga puna praktike dhe do të jenë kuadro premtuese për të ardhmen”, ka thënë kryetari Haziri. 
 
Ai theksoi se gjatë vitit 2018, Komuna po punon me prioritet në reformimin e administratës, përmirësimin e menaxhmetit të shkollave, rishikimin e normave, për rregullshmërinë dhe eliminimin e dukurive negative.
 
“Në veçanti po bëjmë përjekjet tona të mëdha me synimin që shkollat t’i bëjmë sa më atraktive për nxënësit”, ka thënë Haziri, duke rikonfirmuar se arsimi mbetet prioriteti i parë i qeverisjes. 
 
Ndërkaq, drejtori i Arsimit në Gjilan, Bardhyl Syla, ka falënderuar kryetarin Haziri për mbështetjen e vazhdueshme për këtë sektor, duke konfirmuar angazhimet e mëdha për realizimin e objektivave.
drejtoret-shkollat.JPG

RSS

Sign in


 



Harta e Faqes | Copyright