Lajmet   Haziri dhe Mustafa bëjnë homazhe para shtatores së Idriz Seferit

Haziri dhe Mustafa bëjnë homazhe para shtatores së Idriz Seferit - 01 dhjetor 2017

Kryetari i Komunës së Gjilanit, Lutfi Haziri ka pritur sot ish-kryeministrin e Republikës së Kosovës, Isa Mustafa, me të cilin, fillimisht, kanë bërë nderime te shtatorja e Idriz Seferit dhe njëkohësisht kanë mbajtur takim pune për mundësinë e mbështetjes së Gjilanit dhe Komunave të këtij regjioni përmes inicviativave dhe zërit qytetar nga deputetët në Parlamentin e Republikës së Kosovës.
Kryetari Haziri pas homazheve te shtatorja e heroit të Kombit Idriz Seferi, ka thënë se sa herë që bëhen homazhe pranë dëshmorëve dhe të rënëve për liri, është një freski e kujtimit për veprën e tyre sublime deri në sakrificën e jetës që ata kanë dhënë për lirinë e vendit dhe për gjeneratat e reja në përgjithësi brez pas brezi. 
 
Ndërsa, në fjalën e tij ish-kryeministri Mustafa, ka thënë se gjithmonë është pak ajo qka bëjmë ne, kur dihen rrethanat në të cilat kanë vepruar heronjtë dhe dëshmorët e kombit në përgjithësi. 
 
“Vepra e Idriz Seferit dhe vendosmëria e tij për ti bërë bashk të gjitha trojet shqiptare ishte angazhimi konkret i tij dhe i shumë luftëtarëve të tij. Ishte ai ideal që vazhdoi edhe për shumë vite dhe nëpër shumë vuajtje e sakrifica, në shumë kryengritje e shumë protesta, deri te lufta e fundit për liri. Gjithashtu në takimin me kryetarin Haziri, e kemi siguruar që Grupi i Deputetëve të LDK-së në Kuvendin e Kosovës njëzëri do të jenë në mbështetje të zhvillimit të vendit dhe ofrimin e alternativave më të mira për zhvillim duke përfshir kështu edhe angazhimin konkret për Regjionin e Gjilanit”, ka thënë mes tjerash Isa Mustafa.
3.JPG

2.JPG
 

RSS

Sign in


 



Harta e Faqes | Copyright