Lajmet

Ka filluar hapja e rrugës malore Livadhet e Istogut- Bajshe | 2016-06-21

 
 















Kanë  filluar sot punimet për hapjen  e rrugës malore Livadhet e Istogut - Bajshe projekt ky i Komunës së Istogut.
Vlera e këtij projekti kap shumën prej 30 mijë euro me një gjatësi prej 3km. Ky projekt është mjaftë i rëndësishëm sepse do të  ndikoje në zhvillimin e bujqësisë dhe turizmit malore.

 

Bëhu edhe ti pjesë e planifikimit të buxhetit komunal 2017-2019 | 2016-06-21









Në kuadër të programit “Avancojmë Kosovën së Bashku” është duke u impelementuar projekti që financohet nga USAID-i për formimin e grupeve të përbashkëta punuese-mekanizmi i komunës për afrimin e zërit të qytetarit me komunën dhe rritjen  e qytetarëve në dëgjimet publike dhe në vendimarrje, ku ky projekt është duke u realizuar në 12 komuna të Kosovës, përfshirë edhe komunën e Istogut. Në kuadër të këtij projekti sot është mbajtur dëgjim publik me qytetarët e fshatit Dobrushë për projektet kapitale nga buxheti komunal për vitin 2017-2019. Pjesë e këtij takimi ishin Nënkryetari i komunës Lulzim Blakaj, Kryesuesi i Kuvendit Hazbi Bajra, drejtor të drejtorive komunale si dhe qytetarë të fshatit Dobrushë. 
 

Komuna e Istogut shënon 20 qershorin, Ditën e Çlirimit | 2016-06-20

 











Nën patronatin e Kryetarit të Komunës 
Haki Rugova është shënuar 20 Qershori Ditën e Çlirimit të Istogut , ditë kjo qe u shënua me aktivitete të ndryshme.

Aktivitetet kanë filluar me vendosjen e kurorave me lule tek Lapidari i Dëshmorëve në Qendër të qytetit në Istog, ku me këtë rast Kryetari Haki Rugova tha se ne ketë datë e shfrytëzojmë që të nderojmë ata të cilët kanë kontribuar për çlirimin e Kosovës por edhe  të Istogut por edhe për të gjitha gjeneratat të cilat kanë kontribuar para tyre dhe pas tyre, është shenjë mirënjohje për të gjitha ata që kanë dhënë gjakun, dëshmor, martir edhe ata të cilët janë në jetë dhe kanë kontribuar në krijimin e institucioneve. Ku më këtë rast Kryetari Rugova uroj të gjithë qytetarët e komunës së Istogut ditën e çlirimit, duke shpresuar që të kemi vetëm ditë të mira për të gjithë.

 

Aktivitete kanë vazhduar më pastaj  me një orë letrare që është mbajtur në sallën e kuvendit komunale, ku me krijimet e tyre letrare janë paraqitur një numër i madh i nxënësve nga shkollat fillore dhe të mesme të komunës së Istogut.
Aktivitetet do të përmbyllen me turnirin
në futboll të madh,  i cili  do të mbahet në stadiumin e futbollit në Istog, ku do të marrin pjesë: K.F. nga Istogu, Peja, Klina dhe Deçani.

 

KOMUNIKATË SENSIBILIZUESE | 2016-06-17

Bazuar në dispozitat nenit 17 pika g e ligjit për vetëqeverisjen lokale, nenit 82 të ligjit për procedurë administrative, nenit 20 të ligjit për mbrojtje nga zjarri Nr 04/L-12 si dhe udhëzimit administrativ numër 26/2008, neneve 7, 8 dhe 16 lidhur me përdorimin e materieve  piroteknike (fishekzjarrëve, petardëve, raketave dhe mbushjeve tjera shpërthyese),

Drejtorati për Shërbime Publike  Mbrojtje dhe  Shpëtim lëshon këtë:

 

      KOMUNIKATË   SENSIBILIZUESE

 

Me që kemi hyrë në sezonin e temperaturave të larta dhe sezonin e korrje shirjeve përmes kësaj komunikate apelojmë të qytetaret që të rrisin kujdesin sidomos ne aspektin e sigurisë dhe mbrojtjes nga zjarri.

    

  1. Mos ndizni zjarre në ambiente të hapura me qellim të pastrimit të mbeturinave për shkak se shpesh dalin jashtë kontrolli dhe shkaktojnë rrezik të përgjithshëm.
  2. Mos ndizni humullishtet (sernishtat) grunore.
  3. Gjatë piknikëve të ndryshme në bjeshkët tona shmangni maksimalisht përdorimin e zjarrit të hapur në natyrë (mos e lini të ndezur fikeni dhe mbulojeni me dhe) shpesh erërat kanë aktivizuar.
  4. Gjatë korrjeve aplikoni masat e nevojshme për mbrojtje dhe parandalim të zjarreve (prodhuesit dhe kombajneret do njoftohen me kohë lidhur me masat).
  5. Gjatë festave të ndryshme ( dasmave ) mos përdorni fishekzjarrë dhe mjete tjera piroteknike të cilat shumë lehtë mund të shkaktojnë zjarre dhe të lëndojnë  njerëz .
  6. Kujdes gjatë sistemimit të ushqimit të bagëtisë: vendoseni sa me larg objekteve tuaja për sigurinë e jetës dhe pasurisë  suaj.
  7. Maksimalisht kujdes me fëmijët të cilët vijnë shumë lehtë deri të shkrepëset dhe mjetet tjera që prodhojnë flakë.
  8. Mos hidhni cigare të ndezura nga automobili juaj.

 

Të gjitha pikat e  cekurat me lartë janë veprime që do të kontribuonin në zvogëlimin e rasteve  dhe zvogëlimin e rrezikut për jetën, pasurinë dhe ambientin tonë dhe janë të ndalura andaj kontribuoni edhe ju si qytetarë të Istogut në parandalimin e këtyre dukurive negative .

 

 

 

 

Agjenda e aktiviteteve për nder të 20 qershorit - Ditës së Çlirimit të Istogut | 2016-06-16

 Komuna e Istogut për nder të 20 qershorit do të organizoj aktivitete kulturore dhe sportive.  Aktivitetet do të zhvillohen nën patronatin e Kryetarit të Komunës së Istogut   Haki Rugova .

 

 

 

Me 22.06.2016 mbledhja e radhës e KPF-së | 2016-06-15

 Mbledhja do të mbahet më datë:  22.06.2016, e mërkurë, në Sallën e takimeve Nr. 311 , duke filluar me punë në ora 10:00.

 

 

Kryetari Haki Rugova pritni në takim Samuel Žbogar | 2016-06-09

 










Kryetari Haki Rugova priti sot në takim, shefin e Zyrës së Bashkimit Evropian në Kosovë Samuel Žbogar më të cilin biseduan lidhur me gjendjen aktuale në komunën e Istogut. Kryetari Rugova e njoftoj Samuel Žbogar lidhur me projektet që janë duke u realizuar dhe pritet të realizohen, në komunën e Istogut, po ashtu edhe për procesin e të kthyerve. Kryetari Haki Rugova falënderoj shefin e zyrës së BE-së në Kosovë për bashkëpunimin korrekt që kanë pasur deri më tani duke shpresuar që ky bashkëpunim të vazhdoj edhe në të ardhmen. Ndërkaq Žbogar, falënderoj Kryetarin Rugova për pritjen që ju bë dhe u shpreh shumë  kënaqur me bashkëpunimin që Zyra e BE-së në Kosovë ka pasur me komunën e Istogut , duke e cilësuar si njërën nga komunat më bashkëpunimin më korrekt që kanë pasur deri më tani. Po ashtu përgëzoj edhe për realizmin e shumë projekteve, që kanë ndihmuar në rritjen e cilësisë së jetesës së qytetarëve të komunë së Istogut . 

 

Inaugurohet “Projekti për zhvillimin e turizmit dhe agrokulturës së Istogut” | 2016-06-09











Është bërë sot inaugurimi 
“Projekti për zhvillimin e turizmit dhe agrokulturës së Istogut”, projekt ky i cili është financuar nga Zyra e Bashkimit Evropian në Kosovë, dhe Komuna e Istogu, i  cili është implementuar nga OJQ “Syri i Vizionit” i cili ka për qëllim fuqizimin dhe promovimin e zhvillimit ekonomik lokal në  fokus rritjen dhe zhvillimin e konkurrencës dhe arritjes së potencialeve të bizneseve duke përfshirë gjenerimin e punësimit. Në kuadër të projekti janë kryer një sërë aktiviteteve si në infrastrukturë për turizëm, përkrahje bizneseve dhe fermerëve si dhe ngritjen e kapaciteteve të hisetarëve zhvillimor në Istog dhe rrethinë. Në ceremoninë e inaugurimit morën pjesë Kryeministri i  Republikës së Kosovës Isa Mustafa, Kryetari i Komunës së Istogut Haki Rugova, shefi i Zyrës së Bashkimit Evropian në Kosovë Samuel Žbogar si dhe drejtori ekzekutiv i “Syri i Vizionit” Veton Mujaj.

 
Duke paraqitur rezultatet 191-200 (of 1374)
 |<  <  16 - 17 - 18 - 19 - 20 - 21 - 22 - 23 - 24 - 25  >  >| 

RSS

Sign in