Lajmet

Komuna e Istogut dhe Ministria e Mjedisit dhe Planifikimit Hapësinor nënshkruan Memorandumin e Mirëkuptimi për vazhdimin e financimit të projektit rregullimi i Parkut Memorial “Ibrahim Rugova” | 2016-04-14










Kryetari  Haki Rugova dhe
Ministri i Mjedisit dhe Planifikimit Hapësinor Ferid Agani nënshkruan sot vazhdimin e bashkëfinancimit për  rregullimin e Parkut Memorial “Ibrahim Rugova”. 
 

Përfunduan garat e sportit shkollor në komunën e Istogut | 2016-04-14

  






Janë mbajtur garat e sportit shkollor në komunën e Istogut për 2 muaj rresht, ku pjesëmarrës në këto gara ishin të gjitha shkollat fillore. Garat janë zhvilluar në futboll për meshkuj dhe në hendboll për femra. Këto gara janë organizuar nga Drejtoria e Arsimit, Kulturës, Rinisë dhe Sportit në bashkëpunim me Federatën e Sportit Shkollor dhe Shoqatën e Sportit Shkollor në Istog.  Këto gara janë mbështetur nga komuna e Istogut dhe Ministria e Kulturës, Rinisë 
dhe Sportit. Pjesë e aktivitetit të mbajtur në finale ishin përfaqësues të pushtetit lokal dhe atij qendror si dhe përfaqësues të federatës së sportit shkollor. Në kategorinë e femrave në finale u takuan SHMU “ Bajram Curri” Istog dhe SHMU “ Trepça “ Banjë , ku fituese u shpall SHMU “ Bajram Curri” në Istog ndërkaq në kategorinë e meshkujve u takuan SHMU “ Ndre Mjeda “ Rakosh dhe SHMU “ Bajram Curii “ në Istog , ku fitues u shpall SHMU “Ndre Mjeda “ Rakosh . Të gjithë pjesëmarrësit u shpërblyen me medalje
 dhe dy vendet e para me nga një kupë . 
 

Shënohet Dita e Dëshmorëve në Komunën e Istogut | 2016-04-12











Organizuar nën patronatin e Kryetarit të Komunës z.Haki Rugova në bashkëpunim me organizatën e veteranëve të Ushtrisë Çlirimtare të Kosovës , sot është shënuar Dita e Dëshmorëve të Komunës së Istogut, në të cilin manifestim mori pjesë nënkryetari i Komunës Lulzim Blakaj, drejtor të drejtorive komunale,përfaqësues të partive  politike, familjarë të dëshmorëve, veteranë e invalidë të UÇK-së si dhe shumë qytetarë që kishin ardhur për ta nderuar veprën e të rënëve .Me rast janë bërë homazhe dhe vendosje e kurora lulesh tek lapidarët e dëshmorëve. 
 

Është mbajtur dëgjim publik me qytetarë për projektet kapitale nga buxheti komunal 2016-2017 | 2016-04-08

 
 








Në kuadër të programit “Avancojmë Kosovën së Bashku”është duke u impelementuar projekti që  financohet nga  USAID-i   për formimin e grupeve të përbashkëta  punuese-mekanizmi i komunës për afrimin e zërit të qytetarit me komunën dhe arritshmërinë e qytetarëve në dëgjimet publike dhe në vendimarrje, ku ky projekt është duke u realizuar  në 12 komuna të Kosovës, përfshirë edhe komunën  e Istogut. Në kuadër të këtij projekti sot është mbajtur dëgjim publik me qytetarë për projektet kapitale nga buxheti komunal 2016-2017.  

 

Takim publik me qytetarë për projektet kapitale nga Buxheti Komunal 2016 – 2017 | 2016-04-06

 Takim publik me qytetarë për projektet  kapitale nga  Buxheti Komunal 2016 – 2017. Takimi do të   mbahet të premte, 08 prill 2016 ora 16:30 në hotel“Kosova Park”në Banjë, Istog

 AGJENDA E TAKIMIT

16:30 – 17:00-Fjala e hyrëse nga Lidershipi Komunal i Istogut dhe Grupit të Përbashkët të Punës – mekanizmi Komunës për afirmimin e zërit të qytetarit në Komunë.

17:30 – 18-00-Raportimi i Lidershipit Komunal të Istogut mbi rezultatet dhe prezantimi i  planeve të Projekteve kapitale në Buxhetin Komunal 2016 – 2017.

18:00 – 19:00-Prezentimi dhe diskutimi i kërkesave, nevojave dhe propozimeve të qytetarëve. Informimi nga Lidershipi Komunal i Istogut me mundësitë buxhetore për përmbushjen e kërkesave të Komunitetit.

Takimet Publike janë mundësi e mirë për qytetarët, përfaqësuesit e organizatave jo-qeveritare, ekspertët dhe grupet lobuese të shprehin opinionet dhe komentet e tyre.


Prezantimet e komenteve dhe pyetjet nga qytetarët, OJQ dhe palët e interesuara do të kenë mundësinë që të parashtrohen në kohën e paraparë  për diskutim.

Ju mund të dërgoni po ashtu komentet dhe pyetjet tuaja në formë elektronike në e-mail: GPPistog@gmail.com  deri më 7 Prill 2016. 

Pjesëmarrja juaj aktive kontribuon në debat konstruktiv dhe me përgjigje konkrete për opinionet tuaja.

 

 

Njoftim për orarin operativ për muajin e pastrimit të ambientit me moton e projektit “Istogu i pastër “ | 2016-04-06

Tashmë është bërë tradicionale që nga viti 2002 për nder të Ditës së Tokës (22.04), çdo vit (15 vite radhazi), komuna ndan mjetet financiare dhe formon grupet organizative nga DKA-ja me pjesëmarrjen e gjithëmbarshme të institucioneve shkollore, të cilat kryejnë pastrimin nga mbeturinat e lehta,buzë rrugëve dhe nëpër parqe të lokaliteteve të komunës së Istogut.

DShPM Shpëtim, Kryqi i Kuq i Kosovës-dega në Istog, Ndërmarrja “Ambienti” do të jenë pjesë e këtij aksioni ndërsa si çdo herë edhe këtë vit siguria në rrugë do të bëhet nga Policia e Kosovës-dega në Istog.

Prandaj kërkojmë solidarizimin  dhe vullnetin e kompanive si dhe të qytetarëve që ti bashkëngjiten këtij aksioni.

 

 

Njoftim | 2016-04-06

Qytetarë të nderuar!

Ka filluar shpërndarja e faturave të tatimit në pronë, për vitin 2016. Shpërndarja bëhet përmes Postës se Kosovës- Njësia në Istog.

Tatimpaguesit që nuk kanë marrë faturat e tatimit në pronë për vitin 2016 dhe posedojnë objekte banimi, afarizmi, industriale apo bujqësore mund ta tërheqin faturën në Zyrën e tatimit në pronë.


Për çdo paqartësi apo parregullsi lajmërohuni në Zyrën - nr.106 në Komunën e Istogut, ku edhe mund t ‘i parashtroni ankesat tuaja me shkrim, në afatin e paraparë Ligjor, brenda 30 ditësh nga dita e pranimit të faturës. 

Është detyrë dhe obligim i juaji që të përgjigjeni dhe të paguani tatimin në pronë.

Të gjitha mjetet e grumbulluara nga pagesa e këtij tatimi do të dedikohen dhe investohen për mirëqenien tuaj, qytetarë të nderuar.


Po ashtu ju njoftojmë se afati i fundit për aplikim për falje  të borxheve nga tatimi në pronë, është 2 shtatori 2016. Qytetarë të nderuar shfrytëzoni këtë rast unik-shumë të favorshëm për shlyerjen e borxheve.

 

Ju mirëpresim!

 

Kuvendi miratoi Raportin Financiar për vitin 2015 | 2016-03-30

 
 










Shqyrtimi dhe miratimi i raportit final financiar për vitin fiskal 2015, njoftimi më raportit e punës së NP “Ambienti” për vitin 2015, shqyrtimi dhe miratimi i Statutit të Qendrës Kryesore të Mjekësisë Familjare, shqyrtimi dhe miratimi për plotësim – ndryshimin e rregullores komunale për leje mjedisore komunale, Nr. 4/2013, shqyrtimi dhe miratimi i Planit të Veprimit Rinor 2016-2019, ishin këto pikat e rendit të ditës në mbledhjen e sotme të kuvendit.
 

Komiteti për komunitete mbajti mbledhjen e radhës | 2016-03-29

Komiteti për komunitete ka mbajtur sot mbledhje e radhës të cilën e kryesoj Bahta Sejdović, në të cilën mbledhje u diskutua rreth projekteve dhe çështjes së  të kthyerve në komunën e Istogut.

Rreth projekteve të  zyrës për komunitete dhe kthim  dhe çështjes së  të kthyerve në komunën e Istogut anëtarët e komitetit i ka njoftuar Bajram Çelaj – kordinator për kthim të qëndrueshëm.

Gjatë kësaj periudhe kemi pasur shtatë  vizita të familjet e riadhresuara ku tri nga këto familje kanë përfituar planë biznesi me vlerë 3000 euro dhe dy të tjera pako ushqimore dhe higjienike , u shpreh Çelaj.

 

Është nënshkruar marrëveshje e mirëkuptimit në mes Komunës së Istogut dhe Ministrisë së Administrimit të Pushtetit Lokal | 2016-03-25

 Kryetari Haki Rugova ka nënshkruar marrëveshjen e mirëkuptimit për financimin e projektit “Ndërtimi i ujësjellësit për fshatrat Cerrcë, Lubozhë dhe Prigodë , ku vlera e këtij projekti kap shumën prej 82,079.70 euro, investim ky i Ministrisë së Administrimit të Pushtetit Lokal.
 
Duke paraqitur rezultatet 191-200 (of 1339)
 |<  <  16 - 17 - 18 - 19 - 20 - 21 - 22 - 23 - 24 - 25  >  >| 

RSS

Sign in