Lajmet

Kuvendi mbajti mbledhjen e radhës | 2016-05-31

 










Kryesuar nga kryesuesi i kuvendit Hazbi Bajra , është mbajtur mbledhja e 36-të  e rregullt e legjislacionit të pestë të Kuvendit Komunal,  me ç’rast janë shqyrtuar pikat e rendit të ditës si në vijim: shpallja në diskutim publik  e plotësim – ndryshimit të rregullores për ruajtjen dhe mbrojtjen e mjedisit, nr.3/2006 i datës 20.07.2006, shqyrtimi dhe miratimi i propozim–vendimit për ndërrimin e destinimit të tokës bujqësore në tokë ndërtimore, shqyrtimi dhe miratimi i propozim-vendimit për lejimin  e ndërtimit të qendrës për aktivitete kulturore në fshatin Osojan, shqyrtimi dhe miratimi i propozim-vendimit për këmbimin e pronës së paluajtshme të komunës në pronësi të personit fizik. Të gjitha këto pika të rendit të ditës u miratuan nga anëtaret e kuvendit.

Po ashtu anëtaret e kuvendi u njoftua rreth ardhjes se Qarkores Buxhetore 2017/01.

 

 

Komitetit Komunal për Riintegrim (KKR) mbajti mbledhjen e radhës | 2016-05-27

 Në mbledhjen e sotme të KKR-së, kryesuar nga Muhamet Gusturanaj, janë shqyrtuar kërkesat e parashtruara nga ana e të riatdhesuarve të cilat kërkesa kishin të bëjnë me pako me kërkesën për banim me qira dhe plan biznesi. 

 

U mbajt mbledhja e radhës e KKSB-së | 2016-05-26

 Është mbajtur mbledhja e radhës së Këshillit Komunal për Siguri në Bashkësi (KKSB), ku gjendja e sigurisë në Komunën e Istogut u cilësua e qetë dhe stabile.
 

Kuvendi ka aprovuar rishikimin e buxhetit 2016 | 2016-05-24

 
 










Kryesuar nga kryesuesi i kuvendit Hazbi Bajra , është mbajtur mbledhja e 35-të e
 jashtëzakonshme e legjislacionit të pestë të Kuvendit Komunal. Në mbledhje ka marrë pjesë nënkryetari Lulzim Blakaj  si dhe drejtorët e drejtorive komunale.

Pikë e rendit të ditës ishte : shqyrtimi dhe miratimi i Rishikimit të Buxhetit Komunal për vitin 2016.


 

Me 31.05.2016 do të mbahet mbledhja e Kuvendit të Komunës | 2016-05-23

 Mbledhjen e 36- të rregullt e Legjislacionit të V-të të Kuvendit të Komunës. Mbledhja do të mbahet më: 31.05.2016 (e martë), në Sallën e Kuvendit të Komunës në Istog, kati III, duke filluar me punë në ora 10:00.

 

U mbajt mbledhja e radhës e Komitetit për Politikë dhe Financa | 2016-05-23

Kryesuar nga  kryesuesi i Kuvendit Komunal Hazbi Bajra, u mbajt mbledhja e radhës e Komitetit për Politikë dhe Financa, ku të pranishëm ishin nënkryetari Lulzim Blakaj, drejtor të drejtorive komunale si dhe anëtaret  e KPF-së. Pika të rendit të ditës ishin: shpallja në diskutim publik e plotësim ndryshimit të rregullores për ruajtjen dhe mbrojtjen e mjedisit, Nr. 3/2006 i datës 20.07.2006, shqyrtimi dhe miratimi i propozim – vendimit për ndërrimin e destinimit të tokës bujqësore në tokë ndërtimore, shqyrtimi dhe miratimi i propozim - vendimit për lejimin e ndërtimit të qendrës për aktivitete kulturore në fshatin Osojan, shqyrtimi dhe miratimi i propozim - vendimit për këmbimin e pronës së paluajtshme të Komunës në pronësi të personit fizik.
Të gjitha këto pika të rendit të ditës u miratuan nga anëtaret  e KPF-së dhe iu  dërguan kuvendit për miratim. 

 

Me 24.05.2016 do të mbahet mbledhja e Kuvendit të Komunës | 2016-05-20

Mbledhjen e 35-të të  jashtëzakonshme të Legjislacionit të V-të të Kuvendit të Komunës. Mbledhja do të mbahet më: 24.05.2016, e martë, në Sallën e Kuvendit të Komunës në Istog, kati III, duke filluar me punë në ora 10:00.

 

 

 

U mbajt takimi i radhës me përfaqësuesit e komuniteteve fetare në Komunën e Istogut | 2016-05-18

Është mbajtur takimi i radhës i rregullt me  përfaqësuesit e komuniteteve fetare në Komunën e Istogut i organizuar nga Drejtoresha e Administratës Komunale Edona Bujupi Loxha, e cila   njeherit është edhe Koordinatore komunale për çështje të fesë.Qëllimi i këtij takimi ishte  diskutim i hapur rreth çështjeve të cilat shqetësojnë  komunitetet fetare në Komunën e Istogut, ky  ishte takimi i parë që përveç prijësve fetare, ishin të pranishme edhe përfaqësueset femra, ku qëllimi i takimit  ishte të  bëhet njoftimi me to dhe të marrin pjesë në diskutime të ndryshme që kanë të bëjnë me fenë.Koordinatorja komunale e çështjeve të fesë Edona Bujupi Loxha  shprehu falënderim të veçantë për përfaqësueset e komuniteteve fetare, femra të cilat me prezencën e tyre treguan që  femra luan rol shumë të rëndësishëm në shoqëri dhe që janë të bashkuara me njëra tjetrën pa marrë parasysh përkatësinë fetare, u zotuan që takime të tilla do të organizohen edhe në të ardhmen pasi   Komuna e Istogut njihet si  komunë e qetë dhe pa probleme fetare.
 Prijësit fetare falënderuan Komunën e Istogut për bashkëpunimin e vazhdueshëm dhe u shprehen të gatshëm që takime të tilla të mbahen rregullisht.

 

Njoftim | 2016-05-17

 Njoftohen të gjithë fermerët e komunës së Istogut se më datë 20.05.2016 duke filluar nga ora 11:00 deri në ora 12:00  në sallën e Kuvendit  në katin  e  dytë do të organizohet trajnim nga Ministria e Bujqësisë  në bashkëpunim më Komunën e Istogut me temën  “Luftimi i barojave te këqija në kulturat  e misrit dhe grurit”  nga prof. Dr. Arben Mehmeti  nga Fakulteti i Bujqësisë.

 

Ju mirëpresim!

 

Komuna e Istogut bëhet me E-Kiosk | 2016-05-17

 Financuar nga USAIDI, programi “Avancojmë Kosovën së Bashku “ është bërë nënshkrimin i marrëveshjes në mes të Fondit për Zhvillim Komunitar-CDF, Komunës së Istogut dhe “ PBC” SHPK, për vendosjen e E-Kiosk i cili do të jetë në shërbim të qytetarëve të Istogut. Realizimi i këtij projekti do të rrit efikasitetin e administratës komunale, për tu përgjigjur nevojave të qytetarëve dhe mbi të gjitha për të rritur kënaqësinë e qytetarëve më shërbime administrative . Tani me anë të E-Kioskut komuna e Istogut do të ofrojë mundësi për të gjithë qytetarët e saj veçanërisht për të punësuarit të cilët nuk janë në gjendje ti marrin gjatë orarit të punës ti marrin ato edhe gjatë fundjavës. 
 
Duke paraqitur rezultatet 191-200 (of 1359)
 |<  <  16 - 17 - 18 - 19 - 20 - 21 - 22 - 23 - 24 - 25  >  >| 

RSS

Sign in