Lajmet

U mbajt dëgjim publik për Kornizën Afatmesme Buxhetore (KAB-in ) 2016-2018 | 2015-06-25

 








Kryesuar nga kryesuesi i kuvendit Hazbi Bajra, është mbajtur dëgjim publik me qytetarë për Kornizën Afatmesme Buxhetore (KAB-in ) 2016-2018 ku pjesë e këtij takimi ishte edhe nënkryetari Lulzim Blakaj. 
Elaborimin e Kornizës Afatmesme Buxhetore 2016/2018 , për qytetarët e pranishëm e bëri Osman Sadikaj -Zyrtarë Kryesorë Financiar. Ndërkaq qytetarët parashtruan kërkesat e tyre rreth projekteve qe ata mendojnë që duhet të përfshihen gjatë viteve 2016-2018, e që kanë të  bëjnë kryesisht me investime ne infrastrukturë,kanalizim,ujësjellë. Kërkesa këto që u  shqyrtuan  nga Komiteti për Poltikë dhe Financa(KPF-ja) ,e që do të dërgohen në mbledhjen e ardhshme  të Kuvendit. 

 

Njoftim për dëgjim publik- Korniza Afatmesme Buxhetore | 2015-06-23

Njoftohen të gjithë qytetarët e Komunës së Istogut dhe shoqëria civile, se më datën: 25.06.2015, ditë e enjte , duke filluar në ora 11:00, në sallën e Kuvendit Komunal në Istog, kati i III-të, do të organizohet: Konsultim publik me qytetar për: Kornizën Afatmesme Buxhetore(KAB-in )

Korniza Afatmesme Buxhetore është e një rëndësie të veçantë për Komunën e Istogut, prandaj ju qytetarë të nderuar, shfrytëzoni të drejtën e juaj që të jeni pjesëmarrës aktiv në këtë Konsultim publik që është një proces i vendimmarrjes ku me propozimet dhe vërejtjet e juaja, Ju do të kontribuoni që kjo Kornizë Afatmesme Buxhetore të jetë sa më e kompletuar dhe cilësore.

 

Zëri i juaj do të ndëgjohet!

 

Dëgjimi publik me qytetarë është organizuar nga Sekretaria e Kuvendit në bashkëpunim me Kryesuesin e Kuvendit të Komunës së Istogut.

 Të interesuarit, materialin për njoftim të kësaj kornize mund ta marrin në Zyrën e Sekretarisë së Kuvendit, nr 304.

 

E mirëpresim pjesëmarrjen tuaj.

Kryesuesi i Kuvendit
Hazbi Bajra

                                                                                                                                                 


 

KPF mbajti mbledhjen e radhës | 2015-06-22

Kryesuar nga kryesuesi  Hazbi Bajra u mbajt mbledhja e radhës e Komitetit për Politik dhe Financa, ku të pranishëm ishin nënkryetari z.Lulzim Blakaj,drejtor të drejtoratëve komunale si dhe anëtarët e KPF-së.Pika të rendit të ditës ishin: shqyrtimi dhe miratimi i Kornizës Afatmesme Buxhetore (KAB-it) 2016-2018,shqyrtimi dhe miratimi i propozim vendimit  të Kryetarit të Komunës  për themelimin dhe organizimin e  Komitetit Konsultativ për Çështje të Shëndetësisë ,shqyrtimi dhe miratimi i Projekt Rregullores për ndarjen e bursave për student . Elaboriminin e Kornizës Afatmesme Buxhetore (KAB-it) 2016-2018 e bëri zyrtari kryesor financiar Osman Sadikaj.  Të gjitha këto pika të rendit të ditës iu dërguan Kuvendit për miratim.

 

Komuna e Istogut shënon 16 vjetorin e çlirimit | 2015-06-20


Nën patronatin e Kryetarit të Komunës z.Haki Rugova është shënuar 20 Qershori Dita e Çlirimit të Istogut , ditë kjo qe u shënua me aktivitete të ndryshme. Aktivitete kanë filluar me datën 18.06.2015 me hapjen e ekspozitës artistike në holin e shtëpisë së kulturës ku pjesë e kësaj ekspozite ishin nxënës të shkollave fillore të Komunës së Istogut duke paraqitur kështu krijimet e tyre që u çmuan lart nga të pranishmit .Manifestimet për shënimin e çlirimit të Istogut vazhduan sot me homazhe dhe vendosjen e kurorave me lule tek Lapidari i Dëshmorëve në Qendër të qytetit në Istog dhe vendosjen e luleve tek varri i ish kryetarit të Komunës së Istogu Fadil Feratit.
Këto aktivitete janë përmbyllur me turnirin në futboll të vogël që është mbajtur në poligonin e gjimnazit “Haxhi Zeka “ne Istog ku pjesë e këtij turniri ishin të rinj të Komunës së Istogut .
 

Kryetari i Komunës Haki Rugova, uron besimtarët e fesë islame për fillimin e Muajit të shenjët të Ramazanit | 2015-06-17

 “Me rastin e fillimit të muajit të Ramazanit, muajit më të rëndësishëm për besimtarët myslimanë, ju shpreh urimet e mia më të përzemërta për agjërim të lehtë, harmoni, qetësi shpirtërore dhe begati në familjet tuaja. Uroj që jo vetëm ky muaj, por edhe të gjithë që vijnë pas tij, të kalojnë në paqe dhe në mirëkuptim midis të gjithë qytetarëve të komunës tonë dhe më gjerë”, thuhet në urimin e Kryetarit Rugova dërguar besimtarëve të fesë islame.

                                                                                                                   

 

Agjenda e Aktiviteteve për nder të 20 Qershorit Ditës së Çlirimit të Istogut | 2015-06-17

Komuna e Istogut për nder të 20 Qershorit  do të organizoj aktivitete kulturore dhe sportive .  Aktivitet do të zhvillohen nën patronatin e Kryetarit te Komunë së Istogut   z. Haki Rugova .

 

 

Me 22.06.2015 mbledhja e Komitetit për Politikë dhe Financa | 2015-06-16

 Mbledhja do të mbahet më datë:  22.06.2015, e hënë , në Sallën e takimeve Nr.311 , duke filluar me punë në ora 10:00. 

 

Është duke u realizuar projekti “Mirëmbajtja e rrugëve lokale të rendit të katërt” | 2015-06-16

 

















Bazuar në kërkesat e qytetarëve drejtuar drejtoratit të Shërbimeve Publike, Mbrojtje dhe Shpëtim është në përfundim e sipër projekti “Mirëmbajtja e rrugëve lokale të rendit të katërt”. Në kuadër të këtij projekti është bëre shtrimi i rrugëve me zhavor  në rrugë lokale dhe rrugë lagjeje të pa asfaltuara . Janë shtruar rreth 65 rrugë dhe kostoja ne këtij projekti është 25 mijë euro. 

 

Kryetari Rugova priti në takim komandantin e JRDC të KFOR-it,kolonelin Benzi | 2015-06-12

 










Kryetari Haki Rugova priti në takim komandantin e Detashmentit të Përbashkët Rajonal- Qendra ( JRDC) të KFOR-it- kolonelin Corrado Benzi me të cilat biseduan lidhur me gjendjen e sigurisë dhe bashkëpunimin e KFOR-it me komunën e Istogut .

Kryetari Rugova ka falënderuar komandantin Benzi për bashkëpunimin si dhe ka njoftuar komandantin lidhur me gjendjen e sigurisë në Komunën e Istogut. Ne si institucion komunale punojmë në vazhdimësi  për integrimin e të gjitha komuniteteve në komunën tonë , jemi të vetëdijshëm që ata kanë nevojë për përkrahje, dhe jam duke punuar në vazhdimësi për të krijuar mundësi për gjenerim  të ardhurave, punësim dhe zhvillim ekonomik për  të ju  ofruar atyre kushte sa më të volitshme për jetesë të gjitha komuniteteve tha ndër të tjera Kryetari Rugova .

Komandanti  Benzi  e falënderoj Kryetarin Rugova  për pritjen që ju bë dhe u shpreh shumë i kënaqur që komuna e Istogut ka pasur dhe ka bashkëpunim shumë të mirë më KFOR-in për të ofruar siguri për të gjitha komunitete në vend. 

 

MAPL mban takim në lidhje me planin e monitorimit për komunën e Istogut | 2015-06-10

 Nënkryetari i komunës Lulzim Blakaj dhe drejtorët e drejtorive komunale kanë zhvilluar takim pune me zyrtarët e Ministrisë së Administrimit të Pushtetit Lokal ( MAPL), në lidhje me planin e monitorimit për komunën e Istogut. 

Nënkryetari Blakaj dhe drejtoret e drejtorateve  jepen përgjigjet e tyre  në pyetjet e parashtruara nga ana e zyrtareve të MAPL-së.

 

 
Duke paraqitur rezultatet 381-390 (of 1374)
 |<  <  35 - 36 - 37 - 38 - 39 - 40 - 41 - 42 - 43 - 44  >  >| 

RSS

Sign in