Lajmet

U mbajt mbledhja e Kuvendit Komunal | 2015-01-29

 
Kryesuar nga Hazbi Bajra është mbajtur mbledhja e radhës e  Kuvendit Komunal ku pika të rendit të ditës ishin: shqyrtimi i raportit financia tetor-dhjetor 2014, shqyrtimi dhe miratimi i raportit për punën e Kuvendit Komunal për vitin 2014, shpallja në diskutim publik e Projekt-Rregullores komunale për taksa, ngarkesa dhe gjoba, shqyrtimi  dhe miratimi i raportit të punës së kryetarit janar-dhjetor 2014 dhe njoftimi me shkresën e MAPL-së për transmetim të mbledhjeve të Kuvendit Komunal.

 

Formohet komiteti i Auditimit | 2015-01-26

  

Është mbajtur mbledhja e parë konstituive e komitetit të auditimit, ku  anëtarët e këtij komiteti  u njoftuan rreth punës dhe detyrave që do të kryejnë në këtë komitet. Të pranishëm në mbledhje ishin kryetari Haki Rugova, nënkryetari Lulzim Blakaj , anëtarët e këtij komiteti si dhe Riza Alihajdaraj udhëheqës i Njësitit të Auditimit të Brendshëm. Kryetari Rugova i përshëndeti anëtarët e komitetit si dhe u shpreh  se pret bashkëpunim nga ky komitet për realizmin e shumë detyrave në fusha të rëndësishme për Komunën e Istogut. Ndërkaq Regjë Shatri kryesues i komitetit ka falënderuar kryetarin Rugova  për besimin e dhënë dhe u shpreh i gatshëm për angazhim në përmbushje të detyrave për zbatim të ligjit .

 

Me 29.01.2015 mbledhja e Kuvendit të Komunës | 2015-01-23

 Mbledhja e XVIII (tetëmbëdhjetë) të rregullt të Legjislacionit të V-të të Kuvendit të Komunës. Mbledhja do të mbahet më: 29.01.2015, e enjte, në Sallën e Kuvendit të Komunës në Istog, kati III, duke filluar me punë në ora 10:00.

 

KPF mbajti mbledhjen e radhës | 2015-01-22

 

Kryesuar nga Hazbi Bajra u mbajt mbledhja e radhës e Komitetit për Politik dhe Financa, ku të pranishëm ishin nënkryetari z.Lulzim Blakaj, drejtor të drejtorateve komunale si dhe anëtarët e KPF-së.

Pika të rëndit të ditës ishin shqyrtimi i raportit financiar tetor-dhjetor 2014, shqyrtimi i raportit për punën e Kuvendit Komunal për vitin 2014, shpallja në diskutim publik e Projekt-Rregullores komunale për taksa, ngarkesa dhe gjoba si dhe shqyrtimi i raportit të punës së Kryetarit për periudhën  janar-dhjetor 2014.

Të gjitha këto pika të rendit të ditës iu dërguan kuvendit për miratim.

 

Nënkryetari Lulzim Blakaj takoi komandantet Cavalli dhe Benzi | 2015-01-21

 
Nënkryetari Lulzim Blakaj priti në takim komandantin e Brigadës Shumëkombësh Perëndimi  Carlo Cavalli  dhe komandantin e Trupave Përgjegjës për Lëvizjen e lirë  Corrado Benzzi me të cilat biseduan lidhur me gjendjen e sigurisë dhe bashkëpunimin e KFOR-it me komunën e Istogut .
 

Kryetari Rugova takoi ministrin e Kulturës Rinisë dhe Sportit, Kujtim Shala | 2015-01-16

 
 









Kryetari Haki Rugova priti sot në  një takim ministrin e Kulturës Rinisë dhe Sportit, Kujtim Shala më të cilin biseduan për projektet e përbashkëta dhe punën konkrete që do të behët nga Ministria e
Kulturës Rinisë dhe Sportit në bashkëpunim me komunën e Istogut.

 


 

Me 22.01.2015 mbledhja e KPF-së | 2015-01-16

Do të mbahet mbledhja e Komitetit për Politikë dhe Financa. Mbledhja do të mbahet më datë:  22.01.2015, e enjte , në Sallën e takimeve Nr.311 , duke filluar me punë në ora 10:00.

 

 

U mbajt debat informues me qytetarë mbi legalizimin e ndërtimeve pa leje | 2015-01-15

 










Organizuar nga Drejtorati për Urbanizëm ,Kadastër dhe Mbrojtje të Mjedisit është mbajtur debat informues me qytetarët, për legalizimin e ndërtimeve pa leje, procedurat dhe mënyrën e aplikimit. Në këtë debat ishin të pranishëm nënkryetari i Komunës Lulzim Blakaj, drejtor i drejtoratit për Urbanizëm , Kadastër dhe Mbrojtje të Mjedisit Isa Hoxha, si dhe qytetarë të cilët kanë shprehur dëshirën e tyre të marrin informata lidhur me legalizimin e pronës.

 

Ftesë për debat informues | 2015-01-12

Ftohen të gjithë qytetarët e komunës së Istogut  të marrin pjesë në debatin informues  më qytetarët lidhur me trajtimin e ndërtimeve pa leje i cili mbahet me datë:15.01.2015, ditë enjte  duke filluar  në orën 11:00, në sallën Kuvendit në katin e dytë.

 

Në këtë  debat  informues, qytetarët do të informohen për format dhe  procedurat e legalizimit të ndërtimeve pa leje në tërë territorin e komunës së Istogut.

 

Aktivitetet komunale të realizuara gjatë vitit 2014 | 2014-12-31

 












Zyra për Informim në Komunën e Istogut gjatë vitit 2014 ka zhvilluar një sërë aktivitetesh në përputhje me planin e veprimit, duke njoftuar opinionin publik me aktivitetet e gjithëmbarshme të institucioneve komunale. Duhet përmendur bashkëpunimin tejet të mirë me mediat lokale dhe ato qendrore, ku përmes Zyrës për Informim qytetarët janë njoftuar me proceset aktuale që kanë karakterizuar komunën e Istogut gjatë vitit 2014.

Përgjatë tërë vitit, në këtë zyrë janë arkivuar gjitha shkrimet e gazetave të përditshme që pasqyronin rrjedhat dhe ngjarjet komunale. Zyra për Informim Publik ka njoftuar mediat  për zhvillimet aktuale në komunë, përcjelljen e mbledhjeve të rregullta të këshillit të drejtorëve, duke qenë kështu në nivel të përgjegjësive dhe në pajtim me ligjin mbi transparencën. Po ashtu, janë hartuar komunikata, shkresa dhe njoftime të ndryshme si: njoftimet paraprake për takimet publike, seancave të Kuvendit, ekzekutimin e buxhetit,  KPF-së etj.

 

 
Duke paraqitur rezultatet 381-390 (of 1294)
 |<  <  35 - 36 - 37 - 38 - 39 - 40 - 41 - 42 - 43 - 44  >  >| 

RSS

Sign in