Lajmet

Kryetari Rugova së bashku me Ministrin Kujtim Shala inspektuan punimet në palestrën sportive në Istog | 2015-07-07

 
 









Kryetari Haki Rugova së bashku më Ministrin e Kulturës, Rinisë dhe Sportit Kujtim Shala inspektuan punimet që janë duke u bërë në palestrën sportive në Istog po ashtu vizituan edhe vendin ku janë duke u bërë gërmime arkeologjike në Vrellë të Istogut. 

 

KOMUNIKATË SENSIBILIZUESE | 2015-07-07

Bazuar në dispozitat nenit 17 pika g e ligjit për vetëqeverisjen lokale, nenit 82 të ligjit për procedurë administrative, nenit 20 të ligjit për mbrojtje nga zjarri Nr 04/L-12 si dhe udhëzimit administrativ numër 26/2008, neneve 7, 8 dhe 16 lidhur me përdorimin e materieve  piroteknike( fishekzjarrëve, petardëve, raketave dhe mbushjeve tjera shpërthyese),

Drejtorati për Shërbime Publike  Mbrojtje dhe  Shpëtim lëshon këtë:

 

               KOMUNIKATË   SENSIBILIZUESE

 

Me që kemi hyrë në sezonin e temperaturave të larta dhe sezonin e korrje shirjeve përmes kësaj komunikate apelojmë të qytetaret që të rrisin kujdesin sidomos ne aspektin e sigurisë dhe mbrojtjes nga zjarri.

    

  1. Mos ndizni zjarre në ambiente të hapura me qellim të pastrimit të mbeturinave për shkak se shpesh dalin jashtë kontrolli dhe shkaktojnë rrezik të përgjithshëm.
  2. Mos ndizni humullishtet (sernishtat) grunore.
  3. Gjatë piknikëve të ndryshme në bjeshkët tona shmangni maksimalisht përdorimin e zjarrit të hapur në natyrë (mos e lini të ndezur fikeni dhe mbulojeni me dhe) shpesh erërat kanë aktivizuar.
  4. Gjatë korrjeve aplikoni masat e nevojshme për mbrojtje dhe parandalim të zjarreve (prodhuesit dhe kombajneret do njoftohen me kohë lidhur me masat).
  5. Gjatë festave të ndryshme ( dasmave ) mos përdorni fishekzjarrë dhe mjete tjera piroteknike të cilat shumë lehtë mund të shkaktojnë zjarre dhe të lëndojnë  njerëz .
  6. Kujdes gjatë sistemimit të ushqimit të bagëtisë: vendoseni sa me larg objekteve tuaja për sigurinë e jetës dhe pasurisë  suaj.
  7. Maksimalisht kujdes me fëmijët të cilët vijnë shumë lehtë deri të shkrepëset dhe mjetet tjera që prodhojnë flakë.
  8. Mos hidhni cigare të ndezura nga automobili juaj.

 

Të gjitha pikat e  cekurat me lartë janë veprime që do të kontribuonin në zvogëlimin e rasteve  dhe zvogëlimin e rrezikut për jetën, pasurinë dhe ambientin tonë dhe janë të ndalura andaj kontribuoni edhe ju si qytetarë të Istogut në parandalimin e këtyre dukurive negative .

 

Istogu feston 4 korrikun Ditën e Pavarësisë së SHBA-ve | 2015-07-04

 
 










Nën  patronatin e Kryetarit të Komunës së Istogut  z.Haki Rugova, u mbajt evenimentin “ Faleminderit  SHBA“ , i cili u organizua për nder të 4 korrikun ditës së pavarësisë së Shteteve të Bashkuara të Amerikës.

Të pranishëm në këtë eveniment ishin Kryetari Rugova me stafin komunal, përfaqësues të ambasadës amerikane në Kosovë, anëtar të shoqatës “ Miqtë e Amerikës “ në Kosovë, përfaqësues të partive politike, prijësve fetar, KFOR-it, Policisë së Kosovës, përfaqësues të bizneseve .

 

 

U bë çertifikimi i 12 mësimdhënësve për këshillim në karrierë | 2015-07-02

 
 








Në një ceremoni që është mbajtur sot është bërë çertifikimi i 12 mësimdhënësve të Komunës së Istogut për të ligjëruar në shkollat e tyre lëndën e këshillimit në karrierë. Gjatë muajve maj dhe qershor është mbajtur trajnimi i tyre bazuar në Programin evropian prej pesë hapave.

 

NJOTIM PËR TUBIMI PUBLIK ME QYTETARËT E KOMUNËS SË ISTOGUT | 2015-07-01

 Njoftohen të gjithë qytetarët e Komunës së Istogut, se më: 15.07.2015, e mërkurë, në ora 1100, në Sallën e Kuvendit Komunal, Kati III, në Istog do të mbahet TUBIMI PUBLIK ME QYTETARËT E KOMUNËS SË ISTOGUT. 

 

Kryetari Rugova priti në takim Ministrin e Infrastrukturës Lutfi Zharku | 2015-07-01

 
 









Kryetari Haki Rugova ka pritur  sot në takim Ministrin e Infrastrukturës Lutfi Zhargu me të cilin biseduan lidhur me zhvillimin e e infrastrukturës rrugore në komunën e Istogut, projektet të cilat janë realizuar deri më tani dhe ato të cilat priten të realizohen gjatë këtij viti si dhe bashkëpunimit  e ndërsjelltë që do të ketë komuna e Istogut me ministrinë e Infrastrukturës edhe në të ardhmen. 

 

U mbajt mbledhja e radhës e KKSB-së | 2015-06-30

 
Është mbajtur mbledhja e radhës së Këshillit Komunal për Siguri në Bashkësi (KKSB), të cilën e kryesoi nënkryetari i Komunës Lulzim Blakaj .

 

 

Kuvendi aprovon KAB-in 2016-2018 | 2015-06-29

 
z.Hazbi Bajra, kryesues i Kuvendit Komunal, ka kryesuar mbledhjen e 24- të rregullt të Legjislacionit të V-të të Kuvendit të Komunës. Në mbledhje ka marrë pjesë Kryetari i Komunës Haki Rugova dhe nënkryetari Lulzim Blakaj.

Shqyrtimi dhe miratimi i Kornizës Afatmesme Buxhetore (KAB-it)2016-2018, shqyrtimi dhe miratimi i propozim vendimit  të Kryetarit të Komunës për themelimin dhe organizimin e  Komitetit Konsultativ për Çështje të Shëndetësisë dhe  shqyrtimi dhe miratimi i Projekt Rregullores për ndarjen e bursave për student

ishin pika të rendit të ditës së mbledhjes së sotme të kuvendit.

Elaborimin e Kornizën Afatmesme Buxhetore (KAB) për vitet 2016-2018 e ka bërë Zyrtari Kryesor Financiar (ZKF), z. Osman Sadikaj i cili i ka njoftuar anëtaret e kuvendit  rreth draft kornizës duke ofruar detaje mbi grantet qeveritare, të hyrat vetanake komunale, si dhe projektet e planifikuara kapitale për periudhën 2016-2018.

 

Kryetari Rugova përkrah klubin e futbollit “Istogu” | 2015-06-25

Kryetari Haki Rugova, ka pritur sot në takim përfaqësuesit e klubit të futbollit “Istogu” përfaqësuesin e kompanisë “Trofta” në Istog si sponsor kryesor i klubit të futbollit Istogu, kryesinë e Klubit, përfaqësues dhe simpatizantë profesor dhe dashamirë të sportit në komunën e Istogut me të cilët biseduan lidhur me situatën e krijuar në klubin e futbollit “Istogu”. Kryetari Rugova tha se klubi i futbollit Istogu nuk do të shuhet dhe  do të vazhdojë të garoj edhe më tutje në superligën e Kosovës, ai falënderoj kompaninë Trofta për kontributin e dhënë deri më tani, njëherit sigurojë të pranishmit se ka kontaktuar me disa biznese në Komunën e Istogut të cilat do ti ndihmojnë kompanisë “Trofta “ në sponzorizimin e klubit të futbollit Istogu. Kryetarit i klubit të futbollit “Istogu” Fazli  Bytyçi tha se do të vazhdojnë të japin kontributin e tyre edhe më tutje  në klub mirëpo kërkojnë  edhe përkrahje nga donatorët tjerë. Në fund Kryetari Rugova tha se do të vazhdoj edhe më tutje të kontaktojë edhe me kompani të tjera të cilat do ta përkrahin klubin e futbollit” Istogut” sepse qytetarët e Istogut meritojnë ta keni një klub të futbollit në superligën e Kosovës. 

 

Kryetari Rugova priti në takim zëvendësministren Rita Hajzeraj, zëvendësministrin Vezir Januzi dhe zëvendësministrin Qaush Balaj | 2015-06-25

Kryetari Haki Rugova priti sot në takim, zëvendësministren e ministrisë së Punës dhe Mirëqenies Sociale, Rita Hajzeraj, zëvendësministrin e ministrisë së  Bujqësisë, Vezir Januzi si dhe zëvendësministrin e ministrisë së Komuniteteve dhe Kthimit  Qaush Balaj më të cilët biseduan lidhur me planet dhe projektet që ka komuna e Istogut në  këto dy sfera . Kryetari Rugova paraqiti projektet të cilat do ti realizoj në fushën e punësimit dhe mirëqenies së qytetarëve dhe bujqësisë gjatë këtij viti. Zëvendësministrja Hajzeraj shpalosi projektet dhe mundësitë e reja të MPMS për Komunën e Istogut me theks të veçantë projektet e vetëpunësimit. Ndërsa zëvendësministri Januzi njoftoi kryetarin Rugova për projektet e ministrisë  së Bujqësisë, dhe mundësitë që ka komuna e Istogut të përfitoj grande dhe subvencione për bujqësi duke qenë së bujqësia është prioritare për Komunën e Istogut. Po ashtu pjesë e takimit ishte edhe  Tahir Shabani kryetar i shoqatës së miqësisë Franko-Shqiptare i cili ftoi kryetarin Rugova që të jetë pjesë e delegacionit në kuadër të forumit publik të organizuar nga OBT ja në Gjenevë.

Kryetari Rugova falënderoj zëvendësministrat për vizitën që ju bë, dhe për angazhimin e tyre për tu dal në ndihmë qytetarëve të Komunës së Istogut 

 
Duke paraqitur rezultatet 381-390 (of 1384)
 |<  <  35 - 36 - 37 - 38 - 39 - 40 - 41 - 42 - 43 - 44  >  >| 

RSS

Sign in