Edhe në komunën e Istogut, bora që ka rënë dhe vazhdon të bie këto ditë, ka vështirësuar tej mase qarkullimin e popullatës. Kompanitë komunale “Ambienti” dhe Hidrodrini”, si dhe kompani tjera, në bashkëpunim me kryetarin e komunës, në baza vullnetare, janë të angazhuara në pastrimin e rrugëve, dhe të njejtat po punojnë pa ndërprerë për pastrimin e tyre. Rrugët kryesore janë të qarkullueshme për trafik, mirëpo vështirësi të theksueshme ka nëpër rrugët që shpiejnë nëpër fshatra.
Duhet cekur se në Komunën e Istogut, gjendja jashtëzakonshme ende është në fuqi, që nga fatkeqësia natyrore që goditi komunën e Istogut më 6 dhe 7 Janar të këtij viti, e shpallur nga Kryetari i komunës.