GLV “Llapusha” realizon edhe një projekt për fuqizimin e grupeve lokale | 2017-09-21

Sot, GLV “ Llapusha” në Malishevë,   ka prezantuar fillimi i projektit “Përvetësimi i aftësive dhe nxitja/animimi i banorëve të territorit të GLV-ve për GLV-të e përzgjedhura”. Në kuadër të projektit do të realizohen një varg objektiva të cilat do të promovojnë punën dhe fuqizimin e grupeve lokale. Projekti ka për qëllim të vazhdoj lidhjen me hartimin e strategjisë të zhvillimit lokal duke u mbështetur në përkrahjen e zhvillimit rural në Komunën e Malishevës përmes organizimit të takimeve me palët me interes, mbajtjes së takimeve, seminareve trajnimeve dhe vizitave studimore dhe në terren, kanë bërë të ditur kryetari i GLV- ‘’Llapusha’’në Malishevë, Milaim Morina dhe Enver Mazreku, nënkryetar.

 

Asfaltohet rruga që lidhë shumicën e fshatit Lubizhdë me shkollën | 2017-09-21

Sot në Lubizhdë, ka filluar asfaltimi i rrugës, e cila lidhë pothuajse tërë fshatin, me shkollën dhe shiritin e rrugës ndërkomunale Malishevë-Kijevë-Klinë. Punimet në këtë rrugë, i ka inspektuar nënkryetari i Komunës së Malishevës, Rexhep Mazreku, i shoqëruar edhe nga drejtori i urbanizmit, Ahmet Morina, të cilët gjithashtu janë takuar edhe me banorët e fshatit.

 

KK i Malishevës, miratoi buxhetin afër 14 milion euro, për vitin 2018 | 2017-09-20

Kuvendi i Komunës së Malishevës, ka vazhduar mbledhjen e tetë të rregullt, ku në rend ishte leximi i dytë i projekt buxhetit. Anëtarët e Kuvendit të Komunës së Malishevës, me shumicë të votave, e kanë miratuar projekt buxhetin 2018-2020, me theks të veçantë buxhetin për vitin 2018, ku përfshihen edhe investimet kapitale.

 

PËRUROHET KOMPLEKSI SPORTIV NË SHFMU ,, FEHMI AGANI”TURJAKË DHE FUSHA SPORTIVE ,, RUZHDI XHYLIQI” MARALI | 2017-09-20

 Në kuadër të investimeve të Komunës së Malishevës, në arsim dhe në sport, sot në fshatrat Turjakë dhe në Marali, janë përuruar kompleksi sportiv i fushave në futboll, volejboll dhe në basketboll, përkatësisht fusha sportive e futbollit shkollor në SHFMU ,,Ruzhdi Xhyliqi”,  Marali  të cilat do të jenë në shërbim të nxënësve dhe sportdashësve të këtyre fshatrave. Përurimin e komplekseve sportive e kanë bërë nënkryetari i Komunës së Malishevës, Rexhep Mazreku, drejtori i arsimit Avdi Morina dhe  drejtoresha për kulturë, rini dhe spor, Blertë Krasniqi, kurse në përurim kanë marrë pjesë edhe qytetarë të këtyre fshatrave, si dhe mësimdhënës, nxënës e sportdashës.

 

Filloi rregullimi i rrugëve në Qypevë | 2017-09-19

Edhe fshati Qypevë, në Komunën e Malishevës, sikur edhe fshatrat tjerë, janë pjesë e investimeve komunale, që lidhen me jetesën dhe mirëqenien e banorëve. Krahas disa investimeve te mëhershme, në brendi të fshatit, ka filluar edhe rregullimi i rrugës kryesore.

 

NJOFTIM | 2017-09-19

 Njoftojmë qytetarët e Malishevës se, INSTITUCIONI I AVOKATIT TË POPULLIT (IAP),

Planifikon  të mbajë takimin ,, DITA E HAPUR”,  me qytetarë  të Komunës së Malishevës.

VENDI: Kuvendi i Komunës së Malishevës

ORA: 11”-12”
Data:21.09.2017
Dita e Enjtë

Zyrtarja për Barazi gjinore

Vera Bytyçi

 

KK i Malishevës, miratoi rregulloren për tatimin mbi pronë | 2017-09-15

Kuvendi i Komunës së Malishevës, i drejtuar nga kryesuesi i saj, Aziz Thaçi, ka mbajtur sot mbledhjen e tetë të radhës për këtë vit, ku është diskutuar në lexim të parë, draft buxheti i Komunës së Malishevës, për vitin e ardhshëm. Leximi i dytë, do të bëhet në vazhdimin e kësaj mbledhje, me datë 20 shtator.

 

Komiteti për Komunitete, mbajti takimin e fundit | 2017-09-14

Komiteti për Komunitete, organ i Kuvendit të Komunës së Malishevës, i drejtuar nga zëvendës kryesuesi i komitetit, Islam Vrenezi, ka mbajtur mbledhjen e nëntë për këtë vit dhe të fundit për këtë mandat. Në këtë mbledhje, komiteti ka dhënë disa rekomandime, të cilat pritet të prezantohen në mbledhjen e ardhshme të Kuvendit të Komunës.
 

Vazhdon realizimi i shumë projekteve kapitale në Komunën e Malishevës | 2017-09-14









Projektet kapitale në Komunën e Malishevës, të planifikuara për këtë vit, po shkojnë drejt finalizimit të tyre, e po ashtu po punohet edhe në projektet tjera që janë dy vjeçare. Këtu përfshihen, ndërtimi i objekteve shkollore, rrogat, kanalizimet dhe infrastruktura tjetër. Realizimin e disa prej projekteve, e ka parë nga afër edhe i pari i Komunës së Malishevës, Ragip Begaj, i cili, përveç kërkesës për kryerjen sa më të shpejt të projekteve, ka kërkuara edhe cilësi gjatë punimeve.

 

U përuruan fushat sportive në Maxharrë dhe Kërvasari | 2017-09-14









Në kuadër të investimeve të Komunës së Malishevës, në arsim dhe në sport, sot në fshatrat Maxharrë dhe në shkollën  në Kërvasari, janë përuruar fushat e sportit, të cilat do të jenë të shërbim të nxënësve dhe sportdashësve të këtyre fshatrave. Përurimin e fushave, e kanë bërë drejtori i arsimit Avdi Morina dhe ai i urbanizimit, Ahmet Morina, kurse në përurim kanë marrë pjesë edhe qytetarë të këtyre fshatrave, si dhe mësimdhënës, nxënës e sportdashës.

 
Duke paraqitur rezultatet 1-10 (of 2650)
 |<  < 1 - 2 - 3 - 4 - 5 - 6 - 7 - 8 - 9 - 10  >  >| 

RSS