Lajmet   Përurohet fusha e sportit në Llapçevë

Përurohet fusha e sportit në Llapçevë - 21 prill 2017








Sot, me rastin e shënimit të ditës së shkollës “Petro Nini Luarasi” në Llapqevë, është bërë edhe hapja e fushës së sportit për këtë shkollë. Fusha e sportit në këtë shkollë, është ndërtuar në kuadër të rregullimit të infrastrukturës në shkollat e Komunës së Malishevës.

Malishevë, 21 prill

Sot, me rastin e shënimit të ditës së shkollës “Petro Nini Luarasi” në Llapçevë, është bërë edhe hapja e fushës së sportit për këtë shkollë. Fusha e sportit në këtë shkollë, është ndërtuar në kuadër të rregullimit të infrastrukturës në shkollat e Komunës së Malishevës. Në shënimin e ditës së shkollës, mori pjesë edhe drejtori i arsimit në Malishevë, Avdi Morina, i cili pasi i uroi nxënësit dhe mësimdhënësit, me rastin e ditës shkollës, tha se “krahas fushës së sportit, për këtë shkollë është rregulluar edhe kabineti i informatikës dhe shumë shpejt do të pajiset edhe me kompjuter” “Përkushtimi i Komunës së Malishevës është rritja e cilësisë në arsim dhe krijimi i kushteve sa më të mira për mësimdhënie dhe mësimnxënie dhe në kuadër të kësaj, janë bërë këto investime”, tha Morina.

Me rastin e shënimit të ditës së shkollës, në 158 vjetorin e lindjes së Petro Nini Luarasit, foli drejtori i shkollës, Aziz Avdiaj, ndërsa lidhur me këtë shkollë, drejtori Avdiaj, tha se janë të përkushtuar në rritjen e cilësisë në arsim. Drejtori gjithashtu falënderoi edhe Komunën e Malishevës, për investimet në këtë shkollë, e në veçanti për fushën e sportit, e cila prej sot do të jetë në funksion.

 


RSS