Drejtoria e Inspekcionit në Viti ka ndërmarrë gjatë kësaj jave një aksion për largimin e kioskave dhe objekteve te vjetra nga hapësirat publike në Pozheran. Ky  vendim nga  drejtoria përkatëse u morr pas kërkesës së qytetarëve, përkatësisht pronarëve të bizneseve të cilave u shkaktonin pengesa vendosja e këtyre kioskave.  Pas vërejtjes me shkrim disa janë larguar dje , ndërkohë që javën  tjetër pritet të largohen të gjitha këto kioske  që ishin të vendosura në hapësirën publike.

Në seancën e katërt të Kuvendit Komunal të Vitisë janë shqyrtuar dhe votuar me shumicë votash  Pasqyrat financiare të buxhetit komunal për periudhën janar-mars 2013,Propozim-vendim për shpalljen zonë me interes të përgjithshëm te ngastrat kadastrale me nr.1467-3,1468-0 dhe 1055-3 në zonën kadastrale në Pozheran,propozim rregullore për barazi gjinore  si dhe propozim-Vendim për shfuqizimin e vendimit ,   bartjen e të drejtës së shfrytëzimit të palujtshmërisë (tokë) në pronësi shoqërore pronë e komunës së Vitisë në shfrytëzuesin e përkohshëm Bashksia Islame në Viti-për qerdhën e fëmijëve në fshatin Drobesh.