Mirësevini në Viti

Drejtori i drejtorisë për Kulturë,Rini dhe Sport  Visar Demiri  ka pritur  sot  në Viti  zv. ministrin e Kulturës për komunitete Gani Elshani  me bashkëpunëtorët.  Më këtë rast drejtori  Demiri ka  njoftuar mysafirët me angazhimet dhe punën e kësaj drejtorie, si dhe me vështirësitë me të cilët po ballafaqohen.  

Kryetari i Komunës së Vitisë Nexhmedin Arifi ka marruar sot pjesë në një fushatë për kursimin e ujit e cila  ishte organizuar nga misioni i OSBE-së .   Kryetari Arifi se bashku me disa bashkëpunëtor të tij,  OSBE-në  dhe me KFOR-in kanë shpërndarë disa fletëpalosjeve të cilët i bëjnë  thirrje qytetarëve vitias që ta kursejnë ujin. 

Ka filluar sot viti i ri shkollor 2010/11 në të gjitha shkollat fillore dhe të mesme të komunës së Vitisë. Drejtori i drejtorisë së Arsimit Ferih Qerimi, ka pohuar se janë kryer gjitha punët teknike dhe administrative me kohë në mënyrë që sot më 1 shtator të nis mësimi në gjitha shkollat. Po ashtu janë hapur dyert edhe të tri objekteve të reja shkollore për nxënësit në Viti, Remnik e Ramnishtë.

Në kuadër të fushatës dyjavore të organizuar nga Qendra regjionale e OSBE-së, dhe kompania regjionale “Hidromorava” si dhe pas konferencës së mbajtur me 26 gusht, në QR të OSBE-së në Gjilan, do të organizohet  aktiviteti për shpërndarjen e afisheve të përgatitura për ruajtjen e ujit, në komunat e Vitisë, Gjilanit dhe Kamenicës. Në Viti, ky aktivitet do të organizohet me  2 shtator,  nga ora 12-13, në platon para shtëpisë së kulturës, ku do të marrin pjesë kryetari i komunës, drejtori i Qendrës regjionale të OSBE-së,   ekipa e KFOR-it që monitoron Vitinë.