Festivali i poezisë "Takimet e Poeteshave Shqiptare"

Takimet e Poeteshave Shqiptare Vushtrria 2015
KONKURS LETRAR
Për poezi
 
Për të 33-tën herë me radhë, me 27 dhe 28 nëntor 2015 në Vushtrri do të mbahet Festivali i Poezisë “Takimet e Poeteshave Shqiptare”.
Inkurajojmë të gjitha krijueset nga të gjitha trojet shqiptare por edhe nga diaspora që me poezitë e tyre të konkurrojnë në këtë Festival të poezisë.

Konkursi është i hapur deri më 15 nëntor 2015.
Poetet që konkurrojnë duhet të dërgojnë një poezi me emër dhe mbiemër , patjetër duhet të dërgohen dy numra kontakti si dhe një biografi e shkurtër për krijimtari letrare bashkë me një foto portret.
Pas përzgjedhjes së 24 poezive nga juria profesionale, do të kontaktohen vetëm poetet, poezitë e të cilave janë përzgjedhur për konkurrim. Ato do të njoftohen përmes telefonit  më së largu deri më 20 nëntor.
Në këtë manifestim dy ditor të poezisë do të ndahen tri çmime kryesore për poezi:

            Çmimi i parë 500 €

            Çmimi i dytë 300 €

            Çmimi i tretë 200 €

 

Si dhe çmimi “Debutuesja” me vlerën prej 100 €, i cili i ndahet poeteshës më të re në moshë që merr pjesë për herë të parë në këtë festival.

Për të gjitha poetet poezitë e të cilave do të përzgjidhen nga juria për pjesëmarrje në manifestim, organizatori mbulon shpenzimet e udhëtimit me autobus, ato të akomodimit dhe ushqimit.

 

Poezitë dërgohen në këtë adresë:

tpsh@outlook.com

 

Për informata më të hollësishme mund të shkruani në e-mail adresën më lartë si dhe të shikoni web faqen zyrtare të Komunës së Vushtrrisë: http://kk.rks-gov.net/vushtrri.