Sot, vizitova heronjtë e 2020-tës, mantelbardhët, për t’i falënderuar, me fjalë zemre e kurajon që na dhanë, me përpjekjen e tyre që megjithatë jeta ta mund vdekjen.

Shembuj si Ferizaj, rrallë hasen. Të tri nivelet e shëndetësisë, Qendra Kryesore e Mjekësisë Familjare, Spitali i Përgjithshëm dhe Qendra Rajonale e Shëndetit Publik, punonjësit e tyre, ishin bashkë e gati kurdoherë, pa pushim gjatë gjithë vitit, për qytetarët.

Ne i themi FALEMINDERIT dhe i duartrokasim përkushtimit të tyre, mantelbardhëve, punonjësve të Policisë, punonjësve të mirëmbajtjes, inspektorëve, administratave të të gjitha niveleve, ekipeve të ndihmave ushqimore, psikologëve e logopedëve, gazetarëve dhe donatorëve të shumtë që 2020-tën i dhanë dritë në tunelin e zymtësisë nëpër të cilën kaluam.