2021/09/17 - 1:50
Drejtoria e Shërbimeve Publike e komunës së Fushë Kosovës po vazhdon me pastrimin dhe mirëmbajtjen e pjesëve të ndryshme në qytet dhe në fshatra.
Një sasi e madhe e mbeturinave të hedhura vend e pa vend nga qytetarë të pa kujdesshëm, këto ditë, po largohen nga punëtorët teknik të kësaj drejtorie.
Kësaj radhe largimi i mbeturinave u bë te nënkalimi i rrugës kryesore në Vragoli që qon për në fshatin Miradi, te këndi i lojërave si dhe te Stadiumi i qytetit.
Lusim qytetarët e komunës sonë që të kenë kujdes në mirëmbajtje të ambientit dhe të mos i hedhin mbeturina në hapësirat ku nuk ka kontejner.
