Republika e Kosoves

Fushë Kosovë

Kryetari i Lezhës viziton Komunën e Fushë Kosovës

2024/02/06 - 5:57

Kryetari i Komunës së Fushë Kosovës sot ka pasur nderin të pres në takim Kryetarin e Bashkisë së Lezhës z. Pjerin Ndreu me të cilin kanë bashkëbiseduar për mundësitë e bashkëpunimit dhe shkëmbimit të përvojave.

Takimi midis dy kryetarëve ishte një mundësi e mirë për të diskutuar dhe koordinuar çështjet e përbashkëta të interesit lokal që nga shërbimet publike deri tek çështjet e shkëmbimit kulturor.

Bashkia e Lezhës për shkak të afërsisë gjeografike dhe pasuritë që ka paraqet një vend ideal për ndërmarrësit e Komunës së Fushë Kosovës për investime dhe ndërmarrësi. Prandaj, dy kryetarët janë dakorduar për shkëmbim të informatave dhe organizimin e një seri të aktiviteteve për t’i informuar për këto potenciale dhe për t’i lidhur të gjitha palët e interesuara për aktivitet ekonomik.

Kryetari Berisha ka shprehur mirënjohjen e madhe për qytetarët e Lezhës të cilët në ditët më të vështira kanë pritur dhe strehuar qytetarët e Komunës së Fushë Kosovës dhe kjo na bën më të afërt dhe mirënjohës me njëri tjetrin.