Republika e Kosoves

Fushë Kosovë

SHËNOHET 22 VJETORI I MASAKRES SË FUSHË-KOSOVËS

2021/03/27 - 5:10

Gjatë ditës së sotme Nënkryetari i komunës së Fushë-Kosovës z.Fadil Krasniqi me bashkëpunëtorë, kanë bërë homazhe dhe nderime pran lapidarëve të dëshmorëve si dhe pranë varrezave të martirëve.

Gjatë një prononcimi z.Krasniqi tha se përjetësisht do të kujtohen me nder, respekt e përulje të thellë të gjithë dëshmorët e lirisë, burrat, gratë, pleqtë e fëmijët që u ekzekutuan barbarisht nga makineria vrastare serbe. Ne nuk do të heqim dorë asnjëherë nga përpjekja për të triumfuar drejtësia kurse kriminelët të marrin dënimin e merituar.

Gjatë luftës në komunën e Fushë-Kosovës janë vrarë e masakruar 168 persona kurse ende nuk dihet për fatin edhe të 12 të zhdukurve.

Jeta, vepra dhe gjaku i të rënëve janë baza dhe themeli i lirisë së Kosovës, tha zëvendës kryetari i komunës z.Fadil Krasniqi