Pas një angazhimi disa mujor, dëgjimeve buxhetore, inkuadrimit të buxhetimit me pjesëmarrje, në koordinim me kryetarin e komunës Ardian Gjini, sot zyrtarisht drejtori për Buxhet dhe Financa Durim Halilaj e ka dorëzuar tek kryesuesja e Kuvendit Arbënesha Kuqi, draftin e buxhetit komunal për vitin 2025, për procedim të mëtejmë.
Drafti i Buxhetit do të dërgohet për votim në mbledhjen e muajit shtator, por paraprakisht me organizim të Kuvendit të Komunës do të mbahen edhe dy takime me qytetarë, për të marrë edhe sygjerimet e fundit në lidhje me këtë dokument tejet të rëndësishëm.
