Republika e Kosoves

Gjakovë

Ambasadori amerikan në Kosovë Philip Kosnett takon anëtarët e Komitetit Komunal për Komunitete në komunën e Gjakovës

2019/02/11 - 3:49

Ambasadori amerikan në Kosovë Philip Kosnett, sot ka qëndruar në komunën e Gjakovës, me ç’rast ka mbajtur një takim të përbashkët me anëtarët e Komisionit Komunal për Komunitete dhe Kthim.
Në takim me ta ambasadori Kosnett është njoftuar për së afërmi me gjendjen e komuniteteve jo -shumicë në komunën e Gjakovës, ndërsa ka apeluar që të gjithë qytetarët e Gjakovës pa dallim ta respektojnë njëri –tjetrin dhe ta mbajnë Gjakovën një qytet shembull ku mbizotëron respekti i ndërsjellë dhe diversiteti etnik, kulturor e fetar.
Nga ana tjetër, anëtarët e Komisionit Komunal për Komunitete pos falënderimeve për vizitën e tij në Gjakovë, kanë kërkuar nga ambasadori Kosnett që ambasada amerikane të japë ndihmën e saj në ri – integrimin e komuniteteve jo – shumicë, në theks të veçantë në çështjen e strehimit, si njëra prej sfidave më të mëdha për këto komunitete.