Republika e Kosoves

Gjakovë

Inaugurohet një rrugë e re në fshatin Bec

2019/07/03 - 12:21

Edhe një tjetër obligim kontraktual ka përfunduar sot. Rruga në gjatësi 2.6km në fshatin Bec, ndonëse ishte kontraktuar në vitin 2012 vetëm pas shtatë vitesh arriti të finalizohet dhe të jetë në shërbim të banorëve të fshatit.

Kryetari i Komunës, Ardian Gjini ishte sot dhe përuroi këtë rrugë dhe u shpreh i lumtur që banorët e fshatit Bec nuk do të kenë më probleme me baltën.

Përpos fshatit Bec, këtyre ditëve pritet të fillojnë edhe disa projekte tjera infrastrukturore që janë bashkëfinancim i komunës së Gjakovës dhe Qeverisë.