Në bazë të kritereve të përcaktuara nga komisioni i përbërë nga 10 anëtare, këto gra janë vlerësuar lartë për kontributin e dhënë në forma të ndryshme për emancipimin e gruas në shoqërinë tonë.

Kryetari i Komunës Ardian Gjini dhe Kryesuesja e Kuvendit të Komunës Arbënesha Kuqi shprehën mirënjohje për këto gra të cilat në periudha të ndryshme kohore dhanë kontributin e tyre të çmuar në fusha të ndryshme të jetës. Ndër të tjera, ata sot përcollën mesazhin që si institucione dhe shoqëri duhet të punojmë edhe më tutje për barazi dhe avancim të gruas.