2019/02/19 - 11:02
Komiteti për Komunitete ka mbajtur sot takimin e radhës, ku pas miratimit të pikave të rendit të ditës, nga Shkumbin Kastrati, drejtor i Drejtorisë së Shërbimeve Publike është dhënë informata mbi rrugën “Shote Galica” në Brekoc. Sipas drejtorit Kastrati, në këtë rrugë nuk mund të ndërhyhet në rregullimin dhe ndërtimin e saj, pasi paraprakisht duhet konsultuar dokumentacioni, për t’u qartësuar se në pronësi të kujt është rruga. Përpos kësaj ,drejtori Shkumbin Kastrati ka bërë të ditur se në këtë lagje, brenda dy-tre javëve do të nis ndërtimi me kubëza i rrugës “Emine Gjakova”.
Ndërkohë, ne raportin e Zyrës Komunale për Komunitete dhe Kthim, si pikë tjetër e rendit të ditës, është bërë e ditur se në vitin 2019 janë riatdhesuar nëntëdhjetë e tetë persona, ndërsa në periudhën e deritanishme të këtij viti janë riatdhesuar trembëdhjetë persona.
