Republika e Kosoves

Gjakovë

Nis shtegu 6.5 km Brekoc – Devë, një tjetër projekt atraktiv nga komuna e Gjakovës

2020/11/03 - 3:08

Filloi një projekt tjetër atraktiv dhe i rëndësishëm për zhvillimin e turizimit, rrjedhimisht ekonomisë së komunës tonë!
Shumë shpejtë, shtegu për ecje dhe çiklizëm Brekoc-Devë i gjatë 6500 metra do të jetë në shërbim të adhuruesve të natyrës.
Gjatës nisjes së punimeve, Kryetari i Komunës, Ardian Gjini, u shpreh i entuziazmuar për këtë projekt i cili do të realizohet në një ambient jashtëzakonisht të bukur dhe të paeksploruar më parë. “Ndërtimin e këtyre shtigjeve e nisim nga Deva, për të vazhduar nëpër Guskë dhe për të përfunduar në Shkugëz. Këtë vit kemi planifikluar 60 mijë euro për realizimin e punimeve. Jam i lumtur sepse shumë shpejtë njerëzit do të kenë mundësi të eksplorojnë këtë atraktivitet” tha ndër të tjera Kryetari Gjini.
Projekti për ndërtimin e shtigjeve për ecje dhe çiklizëm Brekoc-Devë përfshin pastrimin e terrenit, shtruarjen me zhavorr dhe sinjalistikën.