Luan Dinaj
Luan Dinaj ka lindur më 5 Maj 1987 në Skivjan, Gjakovë
Shkollën fillore e ka kryer në vendlindje ndërsa të mesmen në Gjakovë.
Shkollimin universitarë e ka kryer ne Universitetin e Prishtinës, Fakulteti Juridik,
Ka vazhduar studimet pas – diplomike po të njëjtin universitet dhe mban titullin “Master juridik, moduli ndërkombëtar”
Luan Dinaj ka kryer praktiken një vjeçare për jurispodencë të avokat Rexhep Gjikolli
Ka punuar si zyrtar ligjor në zyrën ligjore “Credit Dept Legal” të avokat Dren Salihu në procedurën përmbarimore dhe mbledhjen e kredive.
Nga maji 2017 e deri në dhjetor 2017 ka qenë anëtar i Komisionit Komunal Zgjedhjeve në Gjakovë
Është i certifikuar nga OSBE si monitorues i asambleve komunale në nivel vendi,
Luan Dinaj është i certifikuar edhe si “Asistent i Sigurimeve”
Anëtar i Këshillit Kombëtar të NISMA socialdemokrarte të Kosovës, si dhe Anëtar i kryesisë dega Gjakovë
Që nga dhjetori 2017 është drejtor i Drejtorisë për Mbrojtje dhe Shpëtim
Është vëllai i dëshmorit Asllan Dinaj
Është i martuar.
Jeton dhe vepron në Gjakovë
PËRGJEGJËSITË
Kjo drejtori është përgjegjëse për:
a) hartimin e planit për mbrojtje dhe shpëtim nga fatkeqësitë natyrore dhe nga fatkeqësitë tjera në pajtim me Udhëzimet Administrative të organit kompetent qeveritar,
b) vlerësimin e rrezikshmërisë, duke u bazuar në të dhënat faktike për planifikim, ndërmerr masa parandaluese për pengimin, zvogëlimin dhe eliminimin e pasojave nga fatkeqësitë natyrore dhe nga fatkeqësitë tjera,
c) planifikimin dhe realizimin e masave për mbrojtje dhe shpëtim,
d) vështrimin, lajmërimin dhe alarmimin e popullsisë për kërcënim rreziku,
e) organizimin dhe mirëmbajtjen e mjeteve për alarmim, në përputhje me sistemin unik të alarmimit,
f) themelimin e Komitetit për Mbrojtje dhe Shpëtim nga fatkeqësitë natyrore dhe nga fatkeqësitë e tjera, organizimin e komiteteve, njësive dhe i shërbimeve të forcave për mbrojtje nga fatkeqësitë natyrore dhe fatkeqësitë e tjera si dhe i forcave të tjera për mbrojtje, shpëtim dhe ndihmë,
g) propozimin e formimit të njësive për mbrojtje dhe shpëtim nga fatkeqësitë natyrore dhe nga fatkeqësitë e tjera si dhe kryen plotësimin e tyre me obligues dhe kompleton ato me mjete adekuate për veprim në raste të fatkeqësive të tjera,
h) përgatitjen e programeve për aftësim, në pajtim me organin qeveritar,
i) që të kujdeset për sigurimin dhe mirëmbajtjen e rezervave të mjeteve materiale për raste te fatkeqësive natyrore dhe të fatkeqësive të tjera,
j) harmonizimin e planeve dhe përgatitjeve të tjera për mbrojtje, shpëtim dhe ndihmë në bashkëveprim me komunat fqinje,
k) që të kryej edhe punë të tjera nga lëmi i mbrojtjes dhe shpëtimit nga fatkeqësitë natyrore dhe nga fatkeqësitë e tjera, në bashkëpunim me organet kompetente komunale dhe qeveritare,
l) hartimin dhe i mbikëqyrjen e programeve për rastet e ndërhyrjeve emergjente,
m)që të bashkërendit punët lidhur me bashkëpunimin emergjent me FSK-në (TMK-në), SHPK-në dhe KFOR -in
n)që të përkujdeset për sigurinë civile dhe kontakte me policinë,
o) bashkërenditjen e punëve me qendrën për alarmim dhe koordinim emergjent (QAKE-112),
p) bashkërenditjen dhe mbikëqyrjen e punës së Brigadës së Zjarrfikësve,
r) përmbush edhe detyrat dhe urdhëresat që i caktohen nga Kryetari dhe Kuvendi.
