Republika e Kosoves

Gjilan

Haziri i ofron bashkëpunim dhe mbështetje Qendrës për promovimin e vlerave “The Bridge”

2019/06/06 - 2:55

Kryetari i Komunës së Gjilanit, Lutfi Haziri, ka vizituar Qendrën për promovimin e vlerave “The Bridge”, ku është pritur nga drejtori i OJQ AGAPE përmes së cilës operon kjo qendër, Ron Ramsey.

Haziri i ka ofruar mbështetje dhe bashkëpunim me të gjitha kapacitetet komunale kësaj Qendre, për të cilën tha se po promovon vlera dhe po shërben si model i vullnetarizmit në komunë dhe më gjerë.

Ron Ramsey, drejtor i OJQ AGAPE, tha se “The Bridge” është pjesë e kësaj organizate, e cila erdhi në Kosovë në vitin 1999 si një organizatë për ndihmë dhe zhvillim, ku po ofrohen programe cilësore, si kurse të gjuhës angleze, zhvillimin e karrierës, biznesit, këshillim për shëndetin mendor dhe zhvillimin e fëmijërisë së hershme, së bashku me trajnime dhe seminare të tjera të dëshiruara nga komuniteti rreth nesh.

Përndryshe, Qendra për promovimin e vlerave “The Bridge” është hapur në dhjetor të vitit të kaluar dhe gjendet tek kompleksi banesor “Fitorja”.