2020/11/25 - 10:53
Në kuadër të festave të nëntorit, në muzeun e qytetit në Gjilan është hapur edicioni i tretë i ekspozitës tradicionale “Salloni i Gjilanit” 2020.
Drejtoresha për Kulturë Rini dhe Sport, Deniza Limani, theksoi mbështetjen ua ka dhënë artistëve për realizimin e këtij projekti kulturor.
Ekspozitën e hapi skulptori Avni Behluli, i cili e falËnderoi DKRS që mundësuan shoqatën ta realizojnë ekspozitën “Salloni i Gjilanit” 2020.
Në këtë ekspozitë në kushte të pandemisë u prezantuan 17 artistë me nga dy punime nga katër shtete.
Në këtë ngjarje u nderuan me mirënjohje të gjithë artistët.
Çmimi “Salloni i Gjilanit” 2020 këtë herë u takoi:
Sabri Rushiti për Grafikë (Gjilan),
Leoneta Avdyli për pikturë ( Bujanoc) dhe
Adem Kqiku për pikturë (Kamenicë).
Ndryshe, ekspozita do të mbetet e hapur deri më 4 dhjetor për vizitorët.
