Takimin e hapi nënkryetari i Komunës, z. Arben Shala, i cili mbajti fjalën hyrëse dhe falënderoi të gjithë të pranishmit për pjesëmarrjen e tyre. Ai theksoi rëndësinë e këtij tubimi si një platformë për të dëgjuar dhe diskutuar me qytetarët për progresin dhe sfidat e përbashkëta.

Pas fjalës së tij, nënkryetari Shala i kaloi fjalën kryetarit të Komunës, z. Ramiz Lladrovci. Kryetari Lladrovci prezantoi një raport të detajuar mbi të arriturat dhe projektet e realizuara gjatë gjashtëmujorit të parë. Ai përmendi disa projekte kyçe, përfshirë përmirësimet në infrastrukturë, përparimet në arsim dhe shëndetësi, si dhe iniciativat për mbështetjen e bizneseve lokale.

“Ky gjashtëmujor ka qenë i suksesshëm falë bashkëpunimit të ngushtë me qytetarët dhe përkushtimit të ekipit tonë komunal. Jemi të përkushtuar të vazhdojmë punën tonë me përkushtim dhe transparencë,” tha kryetari Lladrovci.

Pas prezantimit të kryetarit, takimi u hap për diskutim dhe pyetje nga të pranishmit. Qytetarët shprehën interes për projekte të ndryshme dhe paraqitën sugjerimet dhe shqetësimet e tyre. Pyetjet e tyre u përgjigjën nga përfaqësuesit komunal të pranishëm, duke krijuar një dialog të hapur dhe konstruktiv.

Ky tubim u vlerësua si një hap i rëndësishëm për të forcuar lidhjen dhe komunikimin ndërmjet përfaqësuesëve komunal dhe qytetarëve, duke kontribuar kështu në rritjen e transparencës dhe llogaridhënies së institucioneve komunale.