2019/07/09 - 4:06
Sot drejtori i Drejtorisë Komunale të Arsimit (DKA) në Drenas, Tafil Halilaj ndau mirënjohje për tre fituesit e garës ndërkombëtare të matematikës “Math Kangaroo” në Komunën e Drenasit.
Rezultatet e kësaj gare në komunën e Drenasit ishin shumë inkurajuese dhe qëllimi i këtij testi ishte që t’i motivojë sa më shumë nxënësit për ta studiuar matematikën, dhe për të plotësuar veprimtari të tjera të cilat ndërlidhen me matematikën.
Nxënësit të cilët arritën rezultatet më të mira në garën e matematikës “Math Kangaroo” – Drenas janë si vijon:
Diar Hajdari dhe Olti Krasniqi janë përzgjedhur fitues të garës “Math Kangaroo” 2019.
Me këtë rast drejtori i DKA-së në Drenas përgëzoi nxënësit për suksesin e arritur dhe u dëshiroi suksese tjera në të ardhmen. Gjithashtu, drejtori Halilaj falënderoi Koordinatorin Komunal të kësaj gare, Driton Bilallin, për organizimin e kësaj gare.
Organizimi i testit “Kangaroo” është përgjegjësi e Institutit ATOMI, me përkrahje nga Ministria e Arsimit, Shkencës dhe Teknologjisë (MAShT) dhe me autorizimin e Asociacionit Kangourou Sans Frontières (AKSF).
Kangaroo është gara më e popullarizuar në botë për matematikë, që ka për qëllim promovimin dhe popullarizimin e matematikës, si dhe përkrahjen e talenteve të fushës së matematikës.