2019/01/10 - 5:54
Kryetari Lladrovci emëron dy drejtoresha të reja
Kryetari i Komunës së Drenasit, Ramiz Lladrovci ka plotësuar ekzekutivin me emërimin edhe të dy drejtorive të cilat do të udhëhiqen nga femrat.
Nga sot, Komuna e Drenasit, drejtoritë me shumicë i udhëheqin gratë, nga gjithsejtë 12 drejtori, 7 prej tyre do të udhëhiqen nga femrat dhe 5 nga meshkujt.
Shqipe Zogu do të udhëheq Drejtorinë e Kulturës, Rinisë dhe Sportit, ish asambleiste e Kuvendit Komunal në Drenas për dy mandate dhe Egzona Jetullahi do të udhëheq Drejtorinë për Zhvillim Ekonomik.
Drejtorinë e Infrastrukturës Publike do të drejton Idriz Hysenaj, Flutura Avdiu, Drejtorinë e Planifikimit Urban dhe Mbrojtje të Mjedisit, Anita Abdullahu, Drejtorinë e Bujqësisë, Pylltarisë dhe Zhvillim Rural dhe Shyqyri Bublaku, Drejtorinë për Buxhet e Financa. Kurse drejtoritë tjera do të drejtohen nga drejtorët aktual.
