Si pjesë e përkushtimit tonë për të ngritur cilësinë e arsimit dhe për të përmirësuar kushtet për mësimdhënie dhe mësimnxënie, Drejtoria Komunale për Arsim ka realizuar projekte të rëndësishme për rregullimin e infrastrukturës shkollore në Komunën e Hani i Elezit.

Këto investime përfshijnë:

* Renovimi i banjove për nxënësit dhe stafin në shkollat tona, duke siguruar kushte higjienike dhe të denja.

* Dysheme e finalizuar me material të ri

* Zëvendësimi i dyerve dhe dritareve të klasave me materiale cilësore në shkollat fillore “Kështjella e Diturisë” dhe “Veli Ballazhi.”

* Ndërrimi i paneleve ndriçuese (qatisë) të korridoreve dhe rregullimi i shkallëve të hyrjes, përfshirë rampën për nxënës me nevoja të veçanta në shkollën e mesme të lartë “Dardania.”

* Renovimi i çatisë së dëmtuar nga reshjet e breshërit në sallën e sportit “Ilaz Thaçi.”

Këto projekte janë investime themelore, por njëkohësisht të domosdoshme për të ndihmuar nxënësit dhe mësimdhënësit të kenë një ambient të përshtatshëm për zhvillimin e procesit mësimor.