Kryetari i Komunës Rufki Suma priti në takim pune Drejtoreshën Ekzekutive e Agjencisë për Ndihmë Juridike Falas znj.Anita Alaj-Kalanderi e shoqëruar me bashkëpunëtorët Flutra Zena, Drejtoresh e Departamentit dhe Mehdi Gjinovci, zytrtar.

Drejtoresha Alaj-Kalanderi e njoftoi kryetarin Suma, se Agjencia ka për qëllim ofrimin e ndihmës juridike falas në tërë territorin e Republikës së Kosovës, në mënyrë që qytetarët të cilët nuk kanë mjete të mjaftueshme financiare të sigurojnë çasje efikase në sistemin e drejtësisë dhe të përfitojnë shërbime të ofrimit të ndihmës juridike falas.

Për këtë qëllim ata kërkuan nga Komuna e Hanit të Elezit një hapësirë të nevojshme që do të mundësonte funksionimin e zyrës mobile për ndihmë juridike falas edhe për banorët e Komunës së Hanit të Elezit.

Ndërsa Kryetari Suma duke falënderuar Drejtoreshën Alaj-Kalanderi për angazhimin e kësaj agjencie edhe në komunën e Hanit të Elezit dhe duke vlerësuar interesin e qytetarëve për shërbimet e kësaj agjencie u zotua të siguroj një zyre për zyrtarin e kësaj agjencie që do të angazhohet në komunën e Hanit të Elezit