Në ambientet e SHMU “Ilaz Thaçi” në Han të Elezit me Akedemi Përkujtohet 20 Vjetori i rënies të dëshmorit Baki Krasniqi, deshmori Ilaz Thaqi, Raif Thaqi, dhe të gazetarit të ndjerë Karem Lawton

Në hapjen e kësaj Akademie përkujtimore, Kryetari i Komunës Rufki Suma duke përshëndetur familjet e dëshmorëve të kombit, përfaqesuesëve të shoqatave të dalura nga lufta e UÇK-së, dhe të pranishit e tjerë tha se edhe pse jemi në kushte të Pandemisë që e përfshiu tërë botën, megjithatë edhe në këto kushte, me numër të kufizuar të pranishëm po shënojmë 20 vjetorin e rënies të dëshmorit Baki Krasniqi, deshmorit Ilaz Thaqi, Raif Thaqi, dhe të gazetarit të ndjerë Karem Lawton

Të nderuara dhe shumë të rrespektuara familje të dëshmorëve të kombit, e nderuara familje e deshmorit Baki Krasniqi, familje e deshmorit Ilaz Thaqi, Raif Thaqi, të nderuar koleg të gazetarit të ndjerë Karem Lawton, të nderuar perfaqesues te shoqatave te dalura nga lufta e UÇK-së, të nderuar banorë të Krivenikut e ju perjetues te kesaj ngjarje qe morët plagë nga granatimi i 29 marsit, te nderuar perfaqesues të institucioneve lokale,te nderuar te pranishem.

Pas perfundimit të luftës në Kosovë, dhe Çlirimit të saj nga okupatori serb, u shtrua nevoja që edhe shqiptarët ne Maqedoni te luftojn per liri dhe te drejtat e saja.

Ishte shkurti i vitit 2001 kur edhe ne Maqedoni filluan luftimet ne mes te Ushtrisë Çlirimtare Kombëtare ne njerën anë dhe ushtrisë e policisë maqedone ne anën tjeter.

Pushteti maqedon ne pamundesi qe ti del në ballë ushtarëve te Ushtrisë Çlirimtare Kombëtare qe vepronin si ne shumë fronte tjera te luftes ne Maqedoni, ashtu edhe ne Greqan, fshat kufitar me Krivenikun e Kosoves vendosi te granatoj fshatrat e Kosoves si në Seqishtë ashtu edhe Krivenik.

Me dt.28 mars te vitit 2001 disa granata te ushtrisë maqedone ranë në territorin e fshatit Seqishtë, ne brendi te Kosovës.

Banorët lokal njoftuan ushtarët e KFOR-it polak dhe amerikan per këtë ndodhi dhe per rrezikun qe po i kanoset banorve te fshatrave kufitare me Maqedoni, por siq u pa nga ana e KFOR-it nuk ishte ndermar asgjë ngase granatimet jo vetem qe nuk ishin nderprerë por ato filluan te shpeshtohen edhe më shumë sidomos 29 marsin e atij viti kur granatat e ushtrisë sllavomaqedone me minahedhes te kalibrit 120 milimetersh ranë pa nderprerë mbi fshatin Krivenik si pasoj e se cilës u vranë 4 qytetar ne mesin e tyre edhe gazetari anglez i Agjensisë Asoshieted Press, 30 vjeqari Karem Lawton.

Me 29 mars 2001, kur ranë granatat në fshatin Krivenik, banorët njoftuan KFOR-in polak qe ishte ne fshat, por ata edhe vet u larguan nga fshati nga rreziku i granatave.

Më pastaj në fshat arritën ushtarët e KFOR-it amerikan e pas tyre edhe gazetarët e agjensisë Asoshieted Press, gazetari Karem Lawton dhe kameramani Sylejman Kllokoqi.

Kur banorët e Krivenikut u afruan për ti treguar gazetarëve për granatat që ranë në fshat, në ato momente filluan të bien edhe granata të tjera mbi fshat.

Në atë moment mësuesi Ilaz Thaqi i cili ishte në orë mësimi, ish ushtarë i Ushtrisë Çlirimtare të Kosovës, largoi me shpejtësi nxënësit nga shkolla, ku arriti ti shpëtoj nxënësit, por nuk arriti që vet ti shpëtoj granatës e cila ra ne oborrin e shkollës duke lënë të vdekur 4 persona dhe disa të tjerë te plagosur.

Mesuesi 32 vjeqar Ilaz Thaqi nuk i perballoi plagëve të mara nga granatat e ushtrisë sllavomaqedone dhe ndërroi jetë në vendin e ngjarjes.

Njezet vjeçari Baki Krasniqi i cili gjithashtu mori plagë të rënda nga granatat sllavomaqedone, ndërroi jetë gjatë rrugës për në Han të Elezit të cilin e kishte në veturë Fejzulla Krasniqi së bashku me vëllaun e tij Sadik Krasniqi i cili gjithashtu ishte i plagosur nga granatat, por haxhi Sadiku pasi u trajtua në Ambulancën e Hanit të Elezit u përcoll për në spitalin e Ferizajt, i cili pas disa dite trajtimi aty u lëshua për shtëpi.

Granatave sllavomaqedone nuk i shpëtoi as gazetari anglez, 30 vjeçari Karem Lawton i cili kishte ardhur për të ndriquar të vërtetën e granatimit të fshatit, por granata e cila ra në oborrin e shkolles ishte fatale për të, sikur për 3 civilët e tjerë që pësuan nga ky granatim.

Shaban Thaqi, banor i fshatit Krivenik, i transportoi për në ambulantën e Hanit te Elezit gazetarin anglez dhe plakun 71 vjeçar Raif Thaqi që të dy të plagosur rëndë.

Pas trajtimit në ambulancën e Hanit të Elezit, për shkak të gjendjes mjaft të rëndë shëndetësore, gazetari anglez përcillet për në spitalin ushtarak amerikan në Bondstill, por para se të arrij në bazën ushtarake amerikane për shkak të plagëve të rënda ndërron jetë në prezencë të mjekut të spitalit të Ferizajt.

Plaku 71 vjeqar, Raif Thaqi, banor i fshatit Krivenik, pas trajtimit ne ambulanten e Hanit te Elezit, menjëhere u përcoll për në spitalin e Ferizajt, por për shkak të plagëve të rënda nga aty u transferua në spitalin e Prishtinës, por edhe përkundër përpjekjeve maksimale të personelit shëndetesor të spitalit të Prishtinës pas 10 dite nuk arriti ti përballoj plagët e mara dhe ndërron jetë me 9 prill të atij viti.

Te nderuar te pranishem, perveq 4 personave të lartpermendur që humben jetën nga këto granatime, u plagosën edhe disa banorë të tjerë si: Sadik, Nuri e Besrim Krasniqi, Mendu e Usref Thaqi, Aqif Berisha, e Besim Brava.

Që të gjithë u trajtuan në ambulancën e Hanit te Elezit, spitalin e Ferizajt dhe spitalin e Prishtinës, ndërsa Nuri Krasniqi ishte përcjellur me helikopter të KFOR-it amerikan në spitalin ushtarak të Bondstillit i cili ditën e nesërme kupton për djalin e tij të vrarë Bakiun 20 vjeqar, i cili pësoi bashkë me 3 të tjerë nga granatimet sllavomaqedone me 29 mars të vitit 2001.

Të nderuar të pranishem sot bëhen 20 vite nga ky sulm barbar i ushtrisë sllavomaqedone ku pësuan 4 civil të pafajshëm e disa të tjerë u plagosën dhe disa shtëpi, shkolla e objekte fetare u dëmtuan e askush deri me tani nuk jep përgjegjësi.

Andaj kërkojmë nga shteti i Kosovës që të ngrisë padi dhe të kerkoj nga gjykatat ndërkombetare zbardhjen e këtij krimi që ka ndodhur mbi teritorin e Kosovës me 29 mars të vitit 2001 ku la te vdekur 4 civil të pafajshëm në mesin e tyre edhe nje gazetar anglez tha Kryetari i Komunës Rufki Suma.

Biografin e viktimave të kësaj ngjarje të rëndë e shpalosi moderatori i kësaj Akademie z.Akif Shkreta. Ne emër të të rënëve të Krivenikut të pranishmit i përshëndeti Vjollca Berisha dhe Riad Berisha.

Kësaj Akademia përkuktimore ia shtoi peshën e kujtesës të kësaj ngjarje dëshmitari okular Kameramani z.Sulejman Kllokoqi i cili atë ditë ishte me gazerarët e Agjensisë Asoshieted Press.

Ai duke evokuar detajet e kësaj ngjarje shfrytëzoi rastin që të falënderoi banorët e fshatit Krivenik për angazhimin e tyre për të ndihmuar viktimat e ngjarjes si dhe të falënderoi komunën e Hanit të Elezit që shënon këtë ngjarje.

Akademia përkujtimore ishte rast që familjet e deshmorit Ilaz Thaqi, Raif Thaqi, të gazetarit të ndjerë Karem Lawton të nderohen me mirënjohje.

Me mirënjohje u nderua edhe Kameramani z.Sulejman Kllokoqi për kontributin që kjo ngjarje të dëshmohet më së miri.

Akademia përkujtimore u përmbyll me pika muzikore nga SHKA”Sharri “ nga Hani i Elezit me solistët Adem Bllaca e Avni Bushi

Pas Akademisë përkujtimore, pjesmarrësit vizituan dhe vendosen lule në Pllakën Perkujtimore në oborrin e shkollës, pikrisht në vendin e tragjedisë, e më pastaj vizituan objektin e shkollës në fshatin Krivenik, e cila tashë eshtë renovuar dhe shëndruar në objekt muze te fshatit Krivenik në të cilën është restauruar edhe klasa me ditarët në momentit kur ndodhi ngjarjerja tragjike.

Më pas u vizituan edhe varrezat në fshatin Krivenik për të bërë Homazhe te varrezat e dëshmorëve Ilaz Thaçi, Baki Krasniqi dhe Raif Thaqi si dhe Varrezat e Dëshmorëve në Pustenik në nderim te dëshmorëve të Hanit të Elezit.