KOMUNIKATË SENSIBILIZUESE
2021/10/13 - 3:04
Qytetarë të nderuar meqë jemi futur në sezonin dimëror dhe kjo sezon kërkon ngrohjen e ambienteve tona është më rëndësi të dimë disa nga faktorët të cilët duhet mënjanuar në mënyrë qe ti shmangemi fatkeqësive eventuale.
Me poshtë keni disa udhëzime :
- Pastroni oxhaqet sa herë qe vëreni se nuk funksionojnë si duhet (është veprimi lehtë, në shtëpitë e juaja private dhe në objektet e banimit kolektiv).
- Nëse përdorni gazin propan butan te jeni te kujdesshëm se çfarë bleni në treg dhe kërkoni deklaracionin lidhur me rregullsinë e bombolave dhe elementeve tjera shtesë (ventilave tubave dhe konsultohuni paraprakisht me profesionistet për instalimin e tyre), kërkoni ne internet për vetit dhe manipulimin me propan-butan gasit.
- Kujdes me mbingarkesën elektrike, nëse përdorni rrymën për ngrohje kujdes me kabllot vazhduese te cilat i përdorni dhe nuk janë adekuate për shpenzues të mëdhenj, konsultohuni me profesionistet lidhur me llojin e kabllove qe duhet përdorur si dhe kontrolloni instalimin tuaj elektrik lidhur me rezistencën e tij dhe tokëzimin.
- Meqë në qytetin tonë fryen erë e fortë keni kujdes gjatë luhatjeve në tension, është më mirë që një natë ta ndërprenë rrymën se sa te rrezikoni jetën dhe pasurinë tuaj. Luhatjet në tension i evidentoni dhe i njoftoni organet përkatëse(KEDS-in) mundësisht me shkrim që te eliminohen mangësitë e tilla. Era ka një ndikim të madh edhe në oxhaqet e pa pastruara dhe shpesh i ndez ato. Me rastin e ndërprerjes së rrymës shkyçini shpenzuesit nga rrjeti elektrik.
- Mos i lini fëmijët(nën 14 vjet) vetëm në shtëpi sepse mund te ndodhi te ndalet rryma dhe në kërkim të mjeteve ndriçuese ata mund të shkaktojnë fatkeqësi, gjithashtu ata nuk janë te vetëdijshëm në përdorimin e gazit dhe të pajisjeve tjera familjare me rrezikshmëri.
- Ju që ngroheni me ngrohje qendrore bëni një kontroll te aparaturave dhe stabilimenteve nga kaldaje deri ne te gjitha elementet e sigurisë, këtë duhet ta kryej kompania e cila ka autorizim përkatës kontrolli, kërkoni një dokument mbi rregullsinë e stabilimenteve. Kujdes ne kohen kur nuk keni rrymë sepse nëse nuk keni burim rezervë atëherë kaldaja mund te eksplodoi nga presioni.
Janë disa nga këshillat qe ju mund ti aplikoni dhe ne të njëjtën kohë te kontribuoni në sigurinë tuaj familjare dhe kolektive.
Të gjitha të cekurat me lartë janë veprime që do të kontribuonin në zvogëlimin e rasteve dhe zvogëlimin e rrezikut për jetën, pasurinë dhe ambientin tonë.
Për çdo rast emergjent thirrni numrin 112