2018/06/01 - 5:12
Drejtoria e Kulturës, Rinisë dhe Sportit, për festën ndërkombëtare të fëmijëve sivjet kishte përgatitur një program shumë të pasur, i cili u shfaq në platon e shtëpisë së Kulturës “Isa Kastrati “ në Kamenicë, para prindërve dhe qytetarëve kamenicas. Shkollat të cilat kishin klasa me parashkollor, kishin përgatitur pika argëtuese për program. Për madhtinë e programit festiv , kontribut të qmueshëm ka dhënë regjisorja Natyrë Kallaba . Në këtë manifestim ishte i pranishëm edhe kryetari i komunës Qëndron Kastrati.
Zakonisht festat i kanë edhe mesazhet e tyre. Edhe kjo festë ishte një porosi ndaj të rriturve e institucioneve që mos të anashkalohen këta, sepse janë e ardhmja e vendit. Megjithëse jemi në sh. XXI, kjo kategori shoqërore në shumë vende të botës, ballafaqohet me probleme ekzistenciale, abuzohet e diskriminohet ,iu mungoj gjërat më elementare për jetë normale, janë viktima të padrejtësive të ndryshme.
Shoqëria dhe shteti ynë përpiqen në krijimin e kushteve ,si dhe mundësive sa më të mira për këta, si dhe duke krijuar mekanizma për mbrojtjen e drejtave të tyre. Po ashtu edhe komuna e jonë është e përkushtuar për sensibilizimin e opinionit për të drejtat e fëmijëve nëpërmjet aktiviteteve të ndryshme senzibilizuese, sidomos nga Njësia Komunale për Mbrojtjen e Drejtave të Njeriut dhe institucionet tjera.