2018/04/10 - 6:14
Sancën e radhës e udhëhoqi kryesuesi Bajram Mavriqi, ndërsa të pranishëm ishin: nënkryetari Faton Jakupi, nënkryetari për komunitete Bojan Stankoviq, disa drejtor të drejtorive komunale, përfaqësuesit e ekipit lokal të OSBE-së, dhe përfaqësues nga shoqëria civile. Pikave të parapara i’u shtua edhe një nga këshilltari Afrim Dervishi,që propozoi pikën: pyetje të legjislativit për ekzekutivin për të cilën tha se duhet jetë si e përhershme . Për dy pika të lidhura me Drejtorinë për Finaca dhe Buxhet, raportoi nga zyrtari kryesor financiar Naser Hashani. Ndërkaq, ato ishin: Shqyrtimi i raportit vjetor financiar për vitin e përfunduar me 31 dhjetor 2017, shqyrtimi i kërkesës për bartjen e të hyrave vetanake 2016/2017 në 2018. Për pikën e parë pati shumë diskutime në të cilat u dhanë vërejtje të shumta, sidomos për borxhet ndaj komunës nga shfrytëzuesit e hapësirës publike dhe pronave komunale . Ky raport nuk arriti të kaloj, sepse vetëm 7 vota ishin për ,14 kundër dhe 3 apstenime.Mirëpo, u tha se mos votimi nuk prodhon kurrfarë efekti. Në pikën e dytë për bartjen e mjeteve vetanake të mëparshme në vitin 2018, planifikimit të ndarjes së këtyre mjeteve u miratua ,pas shumë diskutimeve nga këshilltarët : Shefik Kastrati, Blerim Rrudhani, Florim Kryeziu, Valon Maliqi etj. Lidhur me informatën për mbjelljet pranverore 2018, dhe aktivitetet për përgatitjet për aplikacionet për grantet qeveritare i njoftoi, drejtori i Drejtorisë së Bujqësisë , Pylltarisë dhe Zhvillimit Rural, Naim Arifi. Pika që kishte të bënte me menaxhimin e aseteve komunale u vendos të shtyhet për seancën e ardhshme duke u plotësuar edhe me shënime tjera. Pyetje të shumta u shtruan në pikën e pyetje për ekzekutivin, Ne të cilat u përgjigj nënkryetari Faton Jakupi, drejtoresha e Arsimit, Ismete Thaçi, Drejtori i Shërbimeve Publike Ramadanan Basha .Këshilltarët kërkuan që të plotësohen sa më parë vendet e lira, inspektor i ndërtimit në Drejtorinë e Shërbimeve Publke dhe një gjeodet në Drejtorinë e Kadastrit.
