2011/07/29 - 12:00
Seanca e sotme e Kuvendit komunal nuk ishte ngarkuar me shumë pika, dy çështje kryesore ishin propozuar për shqyrtim nga ana e delegatëve:
1. Redistinimi i mjeteve financiare për realizimin e projekteve të infrastrukturës
2. Përcaktimi i lokacionit të ri për ndërtimin e objektit të xhamisë në fshatin Berivojcë.
Kryesuesi i Kuvendi komunal ,z Enver Mavriqi , kuvendarët i informoi dhe verbalisht me rekomandimet e KPF-së. Ai arsyetoi propozimin që 10 mijë euro , mjete të cilat më parë ishin të parapara si ndihmë në ndërtimin e xhamive, Dajkoc dhe Berivojcë të redistinohen në infrastruktura të rrugëve në fshatrat malore, sepse disa rrugë që lidhin shumë fshatra janë në gjendje të keqe,si dhe janë bërë të pa kalueshme. Prandaj ato kanë nevojë për rrafshimin dhe mbushjen e tyre me zhavorr. Delegatët e aprovuan njëzëri këtë propozim. Delegati Bekim Arifi , shprehu shqetësimin se mos po vonohemi në realizimin e disa projekteve, sidomos ato që kanë të bëjnë me renovimin e objekteve shkollore. Kryesuesi sqaroi se kjo varet nga procedurat e prokurimit. Ndërsa lidhur me çështjen e caktimit të lokacionit të ri për ndërtimin e xhamisë në fshatin Berivojcë, pas konsultimeve paraprake të bëra me komunitet që jetojnë në atë fshat nga drejtorit përkatëse, u vendos që të caktohet një lokacion i ri afër atij që ishte caktuar para shumë viteve. Këtë propozim delegati i LDK-së Jeton Biçkaj e mbështeti në emër të delegatëve të partisë së tij. Me një votë kundër u aprovua propozimi për caktimin e lokacionit të ri lokacionit të xhamisë. Me diskutime në Kuvendin e sotëm kontribuuan, Jeton Biçkaj, Enver Morina ,Nebih Sylejmani, Sadushe Agaj, Besa Krasniqi ,Fatmir Krasniqi dhe Bekim Arifi.