2011/08/02 - 12:00
Në fshatin Rogaçicë, u mbajt dëgjimi publik lidhur me planifikimin e buxhetit komunal për vitin 2012. Dëgjimi publik ishte i organizuar nga komiteti për politikë dhe financa dhe Drejtoria për Buxhet e Financa. Organizimin e ndihmuan zyra komunale e informimit DEMI – dhe shoqëria civile.
Ishte hera e parë që në një fshat të bëhet organizimi i tillë .Ku morën pjesë edhe për parfaqësues të Rogaçicës dhe fshatrave për rreth, të cilët i bën propozimet e tyre për investime kapitale në bashkësitë e tyre. Zyrtari i Lartë Financiar z.Naser Hashani , i njoftoi të pranishmit në përgjithësi për buxhetin komunal,si dhe tregoi mundësitë reale të investimeve kapitale për këtë vit. Sipas tij : Buxheti komunal i paraparë për vitin 2012 ,për komunën e Kamenicës, është 7.148.704.00 euro , si edhe i ndarë sipas këtyre kategorive ekonomike: paga dhe mëditje : 5.256.600.00 euro, mallra dhe shërbime 417.652.00 euro, shpenzime komunale 132.000.00 euro, transfere dhe subvencione 27.500.00 eurodhe investime kapitale 1.314.952.00 euro. Kryetarët e bashkësive 
lokale,qytetarët paraqitnin nevojën për investime në infrastrukturë rrugore , ndriçim në fshatra, trotuare, ujësjellës etj. Por, nga të gjithë mbështetej kërkesa që në Rogaçicë, duhet të ndërtohet një objekt shkollor. Në objektin ekzistues që së shpejti do të rinovohet , procesit mësimor zhvillohet në 4 ndërrime dhe me orar të shkurtuar . Në këto rrethana nuk mund të arrihet sukses të nivelit të larë.Qytetarët e falënderuan komunën dhe USAID –in për organizimin e një takimi të tillë i pari i këtij lloji në këtë fshat. USAID-in. e përfaqësoi zinj. Laura Bahtiri.Për të pranishmit ishte përgatit edhe fletëpalosja e cila ishte financuar nga ana USAID-it.
