2018/07/12 - 5:56
Komunën e Kamenicës, sot e vizituan përfaqësuesit e TLP Alumni Assotiation. Ata u pritën nga Kryetari i Komunës Qëndron Kastrati dhe bashkëpunëtorët e tij. Komuna e Kamenicës do të jetë për ta një pilot projekt ,ku TLP AA do ta ndihmoj vullnetarisht komunën me kuadro, duke bashkëpunuar drejtoritë komunale me komitetet përkatëse e TPL-së .Ndihma në promovimin e demokracisë, përmisimin e kualitetit në procesin arsimor, edhe në çështjet tjera për të cilat ka nevojë komuna e jonë.
Kuadrot e tyre janë të shkolluara në universitete amerikane , dhe janë të gatshëm për ta ndihmuar komunën për bërë ndryshime dhe avancime. Ata me vëmendje e dëgjuan diskutimin e Kryetarit të Komunës Qëndron Kastrati, i cili u ofroi informacione të shumëllojta për Komunën e Kamenicës. Fillimisht, duke u nisur nga pozita gjeografike , popullata ,resurset, ekonomia, arsimi etj, për papunësinë tha se i përfshinë 2/3 e popullatës. Poashtu e përmendi si dukuri brengose të kësaj komune është shpërngulja e popullatës që është shndërrua në një proces të pandalshëm. Komuna e Kamenicës ka një buxhet të vogël dhe mbi një milion euro mjete financiare nga investimet kapitale dhe nga kategoria për mallra dhe shërbime të cilat shkojnë për paga në arsim. Mysafirët u njoftuan se Komuna e Kamenicës i ka edhe përparësitë veta, siç janë :resurset natyrore, fuqia e lirë punëtore, afërsia me korridorin rrugor Gjilan – Bujanoc, diaspora e madhe në perëndim ,veçanërisht në Zvicër që mund të jetë një donatorë i shumë i dobishëm për zhvillimin e komunës, momentalisht ata janë një burim i qëndrueshëm financiar për familjet e tyre që janë këtu. Komuna për investitorët do të jep prona pa qira me kusht të punësimit të qytetarëve. Përfaqësuesit e TLP- AA, ishin të habitur me strukturën e re të udhëheqjes komunale dhe të përfaqësimit gjinor. Ata kërkuan që secila drejtori ti paraqes atyre sfidat me të cilat ballafaqohet.
