2018/06/18 - 4:48
Me aktivitete të ndryshme kulturo- sportive, shënohet 18 vjetori i ditës së çlirimit të Kamenicës, fillimisht me seancën solemne të cilën e udhëhoqi Kryesuesi i Kuvendit , për të vazhduar pastaj me aktivitete tjera. Të pranishëm ishin: Kryetari i Komunës Qëndron Kastrati, drejtorët komunal, mediat lokale, veteranë të UÇK-së, anëtarë të familjeve të dëshmorëve etj . Në fjalët e udhëheqësve komunal , u përkujtua kjo datë historike që shënon një epokë të re, shkëputje nga robëria shekullore e popullit tonë. Po të kthejmë kujtesën 18 vite më parë gjendja në komunën tonë dhe Kosovë ishte e tmerrshme, vendi ynë ishte shndërruar një kamp përqendrimi. Falë sakrificës shekullore të popullit dhe luftës së armatosur të UÇK-së, vendosmërisë e trimërisë së luftëtarëve, gjakut të dëshmorëve e martirëve, sot po e gëzojmë lirinë aq të shumëpritur. Nuk duhet harruar të kaluarën e rënd të brezave të popullit tonë , jo për hakmarrje ndaj dikujt, por ta dashur e çmuar rëndësinë e kësaj lirie, për një mobilizim veprimi për sendërtimin e vendit tonë ,për ta avancuar shoqërinë tonë ashtu siç e meriton edhe populli i ynë. Pastaj u bën homazhe në varrezat e dëshmorëve u vendosen kurora pranë varrezave të dëshmorëve . Kryetari mori pjesë edhe në manifestimin kushtuar Dëshmorit të Kombit, Basri Canollit.