Takimin e udhëhoqi nënkryetarja e komunës, znj. Marqe Tanushi-Selmanaj, ndërsa morën pjesë: komandanti i Policisë rajonit në Klinë, z. Ragip Bytyqi, drejtori i Arsimit, z. Qemajl Sejdija dhe anëtarët e KKSB-së.

Kjo mbledhje kishte katër pika të rendit të ditës për diskutim, siç ishin: miratimi i rendit të ditës, raporti për gjendjen e sigurisë në komunën e Klinës, rreziku nga përdorimi i mjeteve piroteknike gjatë festave të fundvitit dhe të ndryshme.

Komandanti Bytyqi, gjatë këtij takimi para të pranishmëve theksoi se situata në Klinë është e qetë dhe gjithashtu shpalosi statistika për gjendjen në terren.