Takimin e udhëhoqi nënkryetarja e komunës, znj. Marqe Tanushi-Selmanaj, ndërsa morën pjesë komandanti i Policisë rajonit në Klinë, z. Ragip Bytyqi, drejtori i Arsimit, z. Qemajl Sejdija dhe anëtarët e KKSB-së.

Kjo mbledhje kishte katër pika të rendit të ditës për diskutim, siç ishin: miratimi i rendit të ditës, aprovimi i procesverbalit të mbledhjes së kaluar, raporti për gjendjen e sigurisë në komunën e Klinës dhe të ndryshme.

Komandanti Bytyqi gjatë këtij takimi para të pranishmëve theksoi se situata në Klinë është e qetë dhe gjithashtu shpalosi statistika për gjendjen në teren, komunikacion, veprimet e masat e ndërmarra nga Stacioni i Policisë në Klinë.

Në fund, anëtarët paraqitën shqetësimet dhe kërkesat e tyre bazuar në nevojat e komuniteteve që ata i përfaqësojnë.