Republika e Kosoves

Klinë

MESAZH URIMI I KRYETARIT TË KOMUNËS, ZENUN ELEZAJ ME RASTIN E FESTËS SË FITËR BAJRAMIT

2022/05/02 - 10:44

Kryetari i Komunës së Klinës, Prof. Dr. Zenun Elezaj, ka shprehur urimet e përzemërta për të gjithë besimtarët myslimanë, duke ju uruar shëndet, begati e mbarësi.

“URIME FESTA E FITËR BAJRAMIT!

Pas muajit të shenjtë të Ramazanit, muajit të agjërimit, sakrificës, durimit e solidarizimit me të tjerët, sot, besimtarët myslimanë, festojmë Fitër Bajramin.

Të nderuar qytetarë e bashkatdhetarë, në emrin tim dhe të komunës së Klinës ju shpreh urimet më të sinqerta për këtë festë të gjithë besimtarëve myslimanë, duke ju dëshiruar agjërim të pranuar, shëndet, begati e mbarësi në familjet tuaja!”, ka thënë Elezaj.