Vendbanimi: Çabiq-Komuna e Klinës
Data e lindjes: 09.02.1997
Vendlindja: Çabiq- Komuna e Klinës
Subjekti politik: PDK
Shkollën fillore dhe shkollimin e mesëm të ulët e përfundoi në shkollën “Ali Krasniqi” në fshatin Çabiq të komunës së Klinës, kurse shkollimin e mesëm në Gjimnazin “Luigj Gurakuqi” në Klinë, në drejtimin shkenca natyrore. Në vitin 2020 përfundoi studimet bachelor në Universitetin e Prishtinës “Hasan Prishtina”, në Fakultetin e Shkencave Matematike-Natyrore, Departamenti i Biologjisë, Drejtimi Biologji.
Në vitin 2021, regjistroi studimet në Master në Fakultetin e Edukimit, drejtimi “Master i Mësimdhënies lëndore me specializim në Biologji”, ku dhe vazhdon studimet.
PËRGJEGJËSITË
Të drejtat dhe detyrat e anëtarëve të Kuvendit të Komunës – përcaktohen me Ligjin për Vetëqeverisje Lokale ( LVL )
Të gjithë anëtarët e kuvendit të komunës kanë të drejta dhe mundësi të barabarta të marrin pjesë plotësisht në punimet e kuvendit. Kuvendi i komunës siguron që këto të drejta dhe mundësi të parashikohen në Statutin dhe në rregulloren e tij të punës.
Anëtari i kuvendit të komunës ka të drejtë të kërkojë informacione lidhur me çështjet komunale nga kryetari, apo nga zëvendëskryesuesi i komitetit. Kërkesa shqyrtohet në pajtim me procedurat që do të përcaktohen në Statut dhe Rregulloren e punës.
Anëtari i kuvendit të komunës mund të dorëzojë vërejtje me shkrim, të cilat i bashkangjiten procesverbalit.
Anëtari i kuvendit të komunës mund t’iu drejtohet të pranishmëve në cilindo komision të kuvendit të komunës anëtar i të cilit nuk është, por nuk mund të votojë. Ai apo ajo mund t’i propozojë kryesuesit të komitetit që të diskutohet ndonjë çështje që është përgjegjësi e komitetit.
Anëtari i kuvendit të komunës mund të kërkojë nga kryetari informacione që janë të nevojshme për punën e tij si këshilltar. Nëse nuk është i kënaqur me përgjigjen, ai apo ajo mund ta ngrisë çështjen në kuvendin e komunës.
Anëtari i kuvendit të komunës lejohet të mungojë nga vendi i punës për periudha kohore që janë të domosdoshme për kryerjen punëve të kuvendit .
Kuvendi i komunës, në pajtim me Statutin e komunës dhe me udhëzimet e nxjerra nga qeveria qendrore, mund t’iu ofrojë kompensim anëtarëve të kuvendit për punën e tyre në kuvendin e komunës.
Anëtarët e kuvendit të komunës detyrohen të marrin pjesë në të gjitha mbledhjet e kuvendit, të thirrura në mënyrë të duhur në komisionet ku ata janë anëtarë, përveç rasteve kur ekzistojnë arsye të justifikueshme për mungesën e tyre.
