Gjatë këtij takimi, z. Pacolli ka prezantuar prioritetet strategjike të Komunës së Lipjanit në fushën e zhvillimit ekonomik dhe turizmit, duke theksuar rëndësinë e mbështetjes për projektet e reja që janë në proces.

Ai shprehu mirënjohjen ndaj SDC dhe Swiss Contact për bashkëpunimin e vazhdueshëm dhe mbështetjen në realizimin e projekteve që kontribuojnë në zhvillimin e qëndrueshëm të komunës, me fokus të veçantë në ekonominë, zhvillimin e potencialeve të turizmit dhe inkurajimin e sektorit privat për të luajtur një rol aktiv në këtë proces.

Përfaqësuesit e SDC-së shprehën gatishmërinë për të parë nga afër realizimin dhe gjetjen e mundësive për mbështetjen e këtyre projekteve, duke theksuar rëndësinë e tyre për zhvillimin ekonomik dhe promovimin e turizmit të qëndrueshëm në Komunën e Lipjanit.

Në fund të takimit, u realizua një vizitë e përbashkët në disa nga vendet me potencial të lartë për zhvillimin e turizmit, ku u shqyrtuan mundësitë e implementimit të projekteve të ardhshme.