Me këtë rast, Kryesuesi i Kuvendit Komunal, z. Daut Azemi, theksoi rëndësinë e këtij dokumenti dhe shprehu mirënjohjen e tij për të gjithë pjesëmarrësit dhe kontribuesit në këtë proces, në mënyrë që ky dokument të jetë sa më i kompletuar dhe gjithëpërfshirës.

Po ashtu edhe Drejtori i Shëndetësisë dhe Përkujdesjes Sociale, z. Shkelzen Hajdini, theksoi rëndësinë e strategjisë për Zhvillim Ekonomik Lokal, me fokus në fushat kryesore që do të mbulojë ky dokument.

Gjatë takimit, të pranishmit patën mundësinë të diskutojnë dhe të shqyrtojnë draftin e strategjisë, duke kontribuar me ide dhe rekomandime që synojnë përmirësimin e këtij dokumenti tejet të rëndësishëm për pushtetin lokal.

Ky diskutim publik u organizua në bashkëpunim me OSBE-në.