Komuna e Lipjanit përfituese e projektit për implementimin e masave të efiçiencës së energjisë në ndërtesat shumë-banesore sociale

2024/11/12 - 2:40

Kryetari i Komunës së Lipjanit, z. Imri Ahmeti, së bashku me Drejtorin Menaxhues të Fondit të Kosovës për Efiçiencë të Energjisë (FKEE), z. Driton Hetemi, gjatë ditës së sotme kanë nënshkruar marrëveshje për bashkëfinancimin e projektit për zbatimin e masave të efiçiencës së energjisë në Ndërtesën Banesore Sociale në Magurë.

Me këtë rast, kryetari z. Imri Ahmeti ka theksuar se, me finalizimin e kësaj marrëveshjeje, synohet përmirësimi i kushteve dhe kursimi i energjisë në Ndërtesën Shumë-Banesore Sociale në Magurë.

Komuna e Lipjanit do të bashkëfinancojë 10% të shumës totale prej 233,530.00 euro, ndërsa pjesën tjetër do ta mbulojë FKEE.