Gjatë takimit, kryetari Ahmeti theksoi rëndësinë e këtij projekti, duke vlerësuar se një studim i tillë do të ofronte një zgjidhje të qëndrueshme për ngrohjen e qytetit, duke kontribuar në përmirësimin e cilësisë së jetës për qytetarët dhe mbrojtjen e mjedisit.

“Realizimi i një studimi të fizibilitetit për ngrohjen e qytetit të Lipjanit do të ishte i mirëpritur për ne dhe pa dyshim do të kishte një ndikim të drejtpërdrejtë në mirëqenien e qytetarëve tanë, si dhe në përmbushjen e kritereve të Bashkimit Evropian për politikat e gjelbra”, tha kryetari Ahmeti.

Komuna e Lipjanit është e angazhuar për një qytet më të gjelbër, ndërsa investimet në projekte që promovojnë energjinë e qëndrueshme janë objektiva të rëndësishme për zhvillimin e qytetit të Lipjanit.