Drejtori për Planifikim dhe Urbanizëm në Komunën e Lipjanit, z.Imri Semetishti theksoi rëndësinë e kësaj dite, duke nënvizuar se përpjekjet për ruajtjen e mjedisit duhet të jenë një angazhim i përditshëm i yni. Ai ftoi qytetarët që të kontribuojnë në krijimin e një ambienti të pastër dhe të shëndetshëm për komunitetin.

Aktivitetet vazhduan me një nismë praktike, ku nxënësit, qytetarët, operatori për mirëmbajtje dhe përfaqësues nga organizatat joqeveritare u angazhuan në pastrimin e hapësirave publike. Në përfundim të këtij aksioni, pjesëmarrësit shpërndanë letra informuese për rëndësinë e ruajtjes së mjedisit, duke synuar të përçojnë mesazhin se kujdesi ndaj natyrës është një përgjegjësi e përbashkët.