Republika e Kosoves

Mitrovicë e Jugut

Drejtoria e Integrimeve Evropiane dhe Mirëqenies Sociale

Drejtoria e Integrimeve Evropiane dhe Mirëqenies Sociale do të jetë përgjegjëse për performancën e detyrave si në vijim:

  1. Siguron realizimin (implementimin) e planit të veprimit për partneritet evropian (PVPE) ;për veprimet që ndërlidhen me Komunë dhe raporton sipas kërkesave të MAPL-së;
  2. Koordinon aktivitet e Komunës, të cilat janë të ndërlidhura me implementimin e PVPE –së;
  3. Mbikëqyrë aktivitetet e drejtorive që burojnë nga PVPE, si dhe dokumentet tjera strategjike të MAPL-së dhe Qeverisë së Kosovës;
  4. Mbikëqyrë hartimin e rregulloreve komunale, për të siguruar se ato të jenë në përputhje me standardet evropiane;
  5. Raporton rregullisht te Kryetari i Komunës për aktivitetet e drejtorive dhe në MIE
  6. Përgatit materiale të nevojshme për nevojat e Komunës, për çështjet që lidhen me integrimet evropiane;
  7. Hulumton programe të ndryshme të asistencës së BE–së, që ofrojnë mbështetje për qeverisje dhe zhvillim lokal;
  8. Ofron këshilla në lidhje me çështjet evropiane, sipas nevojës në Komunë;
  9. Bashkëpunon me Divizionin për Integrime Evropiane në MAPL dhe në çështjet e përafrimit me legjislacionin e BE–së;
  10. Zhvillimin e planit strehimor për territorin e Komunës;
  11. Sigurimin e ofrimit të shërbimeve sociale dhe familjare brenda territorit, sipas standardeve të përcaktuara nga MPMS;
  12. Përkujdesjen e vazhdueshme për qytetarët e zhvendosur në territorin e Komunës;
  13. Përkujdesjen e vazhdueshme ndaj familjeve të dëshmorëve, invalidëve dhe veteranëve të Ushtrisë Çlirimtare të Kosovës dhe anëtarëve të familjeve të tyre që e kanë këtë status, familjeve të të zhdukurve, Shoqatën e Hendikos-it, Shoqatën e Shurdhmemecëve dhe Shoqatën e të Verbërve, me qëllim të realizimit të të drejtave dhe benificioneve të posaçme, që janë në kompetencë të Komunës.