Republika e Kosoves

Novobërdë

Shpërndarja e pakove ushqimore humanitare

2021/01/29 - 2:01

Në kuadër të Programit të Ndihmës për Komunën e Novobërdës në Parandalimin e Përhapjes së Pandemisë së Virusit Covid 19, Kryetari i Komunës së Novobërdës dhe përfaqësuesit e organizatës joqeveritare Komunikimë për Zhvillimin e Shoqërisë, organizoi sot një vizitë në familjet më të rrezikuara në territorin e kësaj komune dhe shpërndanë pako ushqimore humanitare.
Qëllimi i këtij projekti është të organizojë një fushatë të fortë në territorin e komunës së Novobërdës, duke siguruar mbështetje për të gjitha institucionet, por edhe për individët e prekshëm përmes një sërë aktivitetesh inovative, informuese, edukative dhe humanitare. Aktiviteti i sotëm është vetëm një pjesë e programit që do të zbatohet në pesë muajt e ardhshëm, dhe brenda së cilës do të organizohen një sërë aktivitetesh të ndryshme humanitare, një program arsimor dhe një fushatë mediatike.
“Komuna e Novobërdës po punon për ta bërë më të lehtë situatë e vështirë për popullatën në nevojë sociale dhe për të dëgjuar kërkesat e tyre. Përmes koordinimit të mirë me donatorët u siguruan paketa ushqimore dhe higjienike, të cilat iu dhanë të gjithë atyre që kanë më shumë nevojë për ndihmë. Sinqeriteti për të gjitha çështjet sociale, si dhe realizimin dhe zgjidhjen e problemeve me kategoritë e rrezikuara sociale, në përputhje me mundësitë, është detyra jonë “, tha kryetari Ivanoviq.
Kryetari i Komunës së Novobërdës theksoi në fund se vitin e kaluar, kryesisht për shkak të situatës që preku Komunën tonë dhe tërë botën, shpërndarja e ndihmave në kategoritë më të rrezikuara praktikohet gjatë gjithë vitit dhe do të vazhdojë në atë drejtim në të ardhmen.