Republika e Kosoves

Obiliq

Kryetari Gashi u pritë në takim nga Ministri Kuçi

2020/06/24 - 7:33

Kryetari i Komunës së Obiliqit, Xhafer Gashi, sot ka zhvilluar një takim me Ministrin e Ministrisë së Ekonomisë dhe Ambientit z.Blerim Kuçi dhe zv.Ministren znj.Burbuqe Bakija-Deva, të cilëve ju ka uruar punë të mbarë dhe suksese në përgjegjësinë e re.
Në këtë takim, u diskutua lidhur me temat që ndërlidhen me ambientin e që kanë ndikim të drejtpërdrejtë në mirëqenien e qytetarëve dhe në zhvillimin ekonomik, për projektet e përbashkëta në mes komunës së Obiliqit dhe ministrisë përkatëse.
Nga ana tjetër, Ministri z.Kuçi, ka shprehur mbështetjen e ministrisë që udhëheq, ku në bashkëpunim të vazhdueshëm me Kryetarin Gashi, të gjitha shqetësimet dhe kërkesat e qytetarëve të Obiliqit do të trajtohen me prioritet duke u bazuar në ligjet dhe rregulloret në fuqi.