2019/06/16 - 3:01
Komuna e Pejës, nën patronatin e Kryetarit, z.Gazmend Muhaxheri ka organizuar ceremoni protokolare me rastin e 20-të vjetorit për të nderuar të gjithë ata që kanë dhënë kontribut dhe janë sakrifikuar për liri.
Aktivitetet kanë filluar me ngritjen e flamurit, intonimin e himnit, vendosjen e luleve, pranë flamurit në shenjë nderimi për të gjithë të rënët për liri.
Ceremonia qendrore është mbajtur në Teatrin e Pejës “Istref Begolli” ku fjalime përshëndetëse kanë mbajtur Kryetari i Komunës së Pejës, z.Gazmend Muhaxheri dhe Kryesuesi i Kuvendit Komunal të Pejës, z.Islam Husaj, të cilët pas fjalimeve i kanë dorëzuar titujt e nderit për:
-Mauro Del Vecchio, Gjeneral i KFOR-it që komandoj forcat ndërkombëtare ushtarake të NATO-së në Pejë në vitin 1999 merr titullin Qytetar Nderi;
-Stipe Mesiq, ish-Presidenti i Republikës së Kroacisë merr titullin Qytetar Nderi;
-Ymer Muhaxheri – Qytetar Nderi;
-Ali Daci – Qytetar Nderi;
-Jusuf Buxhovi – Nderi i Qytetit;
-Dr. Xhevat Gashi – Qytetar Nderi Post Mortum;
-Dr. Mustafë Ademaj – Qytetar Nderi Post Mortum;
-Gani (Brahim) Ramaj – Titulli “Azem Shkreli” Post Mortum;
-Spitali i Qytetit “Bajram Curri” (AL) – Mirënjohje Komunale;
-OJQ Humanitare “Sali Çekaj” – Mirënjohje Komunale;
-Familja Bralaj (Rozhajë) – Mirënjohje Komunale;
-Familja Haliloviq (Rozhajë) – Mirënjohje Komunale dhe
-Ramë Sinanaj (Plavë) – Mirënjohje Komunale.
Në 20-të vjetorin e çlirimit të Pejës është bërë inaugurimi i përmendorës së Heroit Kombëtar, Shkëlzen Haradinaj dhe Obeliskut të 183 dëshmorëve të Komunës së Pejës.
