2020/11/16 - 3:46
Sipas raportimit të Drejtorit për Arsim në Komunën e Pejës, z.Besim Avdimetaj aktualisht janë 23 mësimdhënës dhe 8 nxënës të infektuar me COVID-19, kurse për shkak të numrit të lartë me të infektuar dy shkolla “Vaso Pashë Shkodrani” dhe “Shaban Spahija” kanë ndërprerë mësimin e rregullt duke kaluar në mësim online.
Dezinfektimi i të gjitha shkollave, po vazhdon me përpikëri të lartë.
Përkundër, gjendjes së përkeqësuar në të gjithë Republikën e Kosovës mësimi, po vazhdon në formë normale në të gjitha shkollat e Komunës së Pejës (me përjashtim të këtyre dy shkollave), gjithnjë duke treguar kujdes të veçantë.
Bëjmë thirrje si Task Forcë të respektohen masat e reja të miratuara nga Qeveria e Kosovës për mbrojtje nga COVID-19.
