Republika e Kosoves

Prizren

𝐊𝐨𝐦𝐮𝐧𝐚 𝐝𝐡𝐞 𝐔𝐒𝐀𝐈𝐃-𝐢, 𝐝𝐢𝐬𝐤𝐮𝐭𝐨𝐣𝐧ë 𝐩ë𝐫 𝐩𝐫𝐨𝐣𝐞𝐤𝐭𝐢𝐧 “𝐊𝐨𝐧𝐭𝐫𝐚𝐭𝐚 𝐒𝐨𝐜𝐢𝐚𝐥𝐞”​

2022/09/21 - 1:03

Kryetari Shaqir Totaj ka pritur sot zyrtarët e USAID-it, ku biseduan për vazhdimin e bashkëpunimit në realizimin e projektit “Kontrata Sociale”.

Gjatë takimit u diskutua për hulumtimin e bërë për tre vitet e kaluara. Me këtë rast u prezantuan rreziqet, barrierat dhe rekomandimet.

Kryetari Totaj tha se Komuna e Prizrenit i vlerëson të gjeturat e këtij hulumtimi, pasi, ato do ta lehtësojnë edhe më shumë kryerjen e punëve në të mirë të të gjithë qytetarëve të Komunës.

Ndërsa, zyrtarët e USAID-it u treguan të gatshëm t’i ndihmojnë zyrtarët e Komunës së Prizrenit në pikat ku interesimi është më i madh dhe se u zotuan që përmes konsulentëve të tyre do t’i përkrahin zyrtarët komunalë që të mos kenë vështirësi në ushtrimin e detyrave.